Қидирув

от астр. Қуёш атрофида айланувчи ва ундан ёруғлик ва иссиқлик олиб, уларни қайтарувчи эллиптик ёки шарсимон осмон жисми; сайёра.

Планеталар ғоят катта шарлардир, улар ўлчамлари ва ёруғлик нури чиқармаслиги жиҳатидан Ерга ўхшайди. — Астрономия

сфт. 1. Гумбазсимон экраннинг ички сатҳида энг муҳим ёритқичлар ва буржлар жойлашган юлдузлар осмони манзарасини кўрсатувчи, Қуёш, Ой, сайёралар ва бошқалар осмон ёритқичлари кўринма ҳаракатини худди ўзидай акс эттирувчи проексион аппарат.

Қаҳқаҳа ур, шоир! Шовуллайди тинсиз дарахтзор тун-да, Планетарийнинг зангор гумбази зарҳал. — А. Орипов, Йиллар армони

2. Астрономия, космонавтика, Ер ҳақидаги фанлар бўйича тадбирлар (масалан, маърузалар, семинарлар) ўтказиладиган илмий-маърифий муассаса, шу муассаса биноси.

Тошкент планетарийси.

от Астрономиянинг Қуёш системасидаги сайёралар ва уларнинг ёʻлдошларини ўрганувчи бўлими.