Поиск

Harbiy materiallar jumlasiga tarjimon amalga oshiradigan, keng maʼnoda harbiy-badiiy materiallar, harbiy-publitsistik va harbiy-siyosiy materiallar, harbiy-ilmiy va harbiy-texnikaviy materiallar, harbiy boshqaruv qoʻmondonlik hujjatlari (turli xil harbiy hujjatlar), qurolli kuchlarning harbiy kuchlari va muassasalari hayoti va faoliyati bilan bogʻliq boʻlgan harbiy materiallar kiradi. Harbiy materiallar boshqa materiallardan maxsus harbiy lugʻat boyligi, ilmiy va harbiy atamalarning keng qoʻllanilishi, faqat harbiy soha uchun xos boʻlgan turgʻun iboralar, harbiy nomenklaturaning koʻpligi va faqat harbiy materiallarda ishlatiladigan maxsus qisqartmalar va belgilar bilan ajralib turadi., Harbiy materiallarni tarjima qilishning oʻziga xosliklari

Harbiy lugʻat odatda uchta asosiy guruhga boʻlinadi: harbiy ishlar, qurolli kuchlar, jang qilish usullari bilan bogʻliq harbiy terminlar; ilmiy-texnikaviy atamalarni oʻz ichiga olgan harbiy-texnikaviy atamalar, va asosan harbiy xizmatchilarning ogʻzaki nutqlarida ishlatiladigan va aslida tegishli harbiy atamalarning uslubiy sinonimlari boʻlgan soʻz va birikmalar bilan ifodalangan hissiy boʻyoqli harbiy leksika (sleng); Harbiy materiallarning toʻgʻri tarjima qilinishi koʻp jihatdan harbiy atamalarning toʻgʻri oʻgirilishiga bogʻliq, chunki harbiy leksikaning salmoqli qismini harbiy va harbiy-texnikaviy atamalar tashkil etadi., Harbiy materiallar tarjimasining leksik xususiyatlari

Adekvat tarjimaga erishishning muhim muammolaridan biri asliyat uslubini berish. Tarjimaning uslubiy aspekti asliyatning tarjima qilinayotgan adabiy til meʼyorlarini hisobga olgan holda umumiy funksional-kommunikativ yoʻnalishga mos leksik-grammatik vositalarni toʻgʻri tanlashdan iborat. Harbiy materiallarning uslubi bir xil emas. Harbiy materiallarning koʻpchiligida ikki xil tamoyili mavjud. Biri – quruq, rasmiy munshoot tilidagi, koʻpincha arxaik oborotlar qoʻllanilgan materiallar, ikkinchisi – oddiy, ogʻzaki, baʼzan familyar tilda tayyorlangan materiallardir., Harbiy materiallarni tarjima qilishning stilistik (uslubiy) xususiyatlari