от 1. Бирор ишни бажариш учун бериладиган ёзма ёки оғзаки фармойиш ёки буйруқ.
Наряд ёзиб бермоқ. Нарядга мувофиқ ҳақ тўламоқ.
2. Бирор нарса олиш ёки топшириш учун ёзиб берилган ҳужжат.
Складдан наряд билан мол олмоқ.
Полвон отам билан икковимиз колхоз дўконига наряди ёʻқ уч машина қовун оширган эмишмиз, туҳмат. — С. Аҳмад, Қадрдон далалар
3. ҳарб. Ҳарбий хизматчилар бажарадиган ёки бажараётган топшириқ, вазифа.
Нарядда турмоқ.
Интизомсиз жангчига, интизомни бузгани учун, навбатдан ташқари икки наряд бериш керак бўлади. — Н. Сафаров, Оловли излар
— Наряддагилардан бошқаларга дам берилсин, — деди Юрев, тепалик гарнизонини айланиб чиққандан кейин. — И. Раҳим, Чин муҳаббат.
4. ҳарб. Махсус хизмат вазифаларини бажарувчи ёки бажараётган ҳарбий хизматчилар гуруҳи.
Соқчилар наряди,
Паровоз тумшуғига иккита пулемёт ўрнатиб, саккиз кишилик наряд юборилди. — И. Раҳим, Чин муҳаббат