Qidiruv

ikki geofizik metod yordamida olingan egri chiziqlarni oʻzaro taqqoslash. Bir metod bilan chizilgan diagramma dastlab ikkinchi metod b-n chizilgan diagrammaning oʻlchash birligiga moslab oʻzgartiriladi. Oʻzgartirish maxsus tanlangan tayanch qatlamlarga asoslanib topiladigan regression tenglama b-n amalga oshiriladi. N.da maʼlum shartlarga amal qilinadi. Birinchidan — ikkala metod ham faqat bir xil litologik-petrofizik parametr b-n bogʻliq boʻlishi kerak. Mas., yonlama karotaj va neytron karotaj metodlari yordamida chizilgan diagrammalar koʻrsatkichlari kollektorlar gʻovakligining oʻzgarishi b-n bogʻliq parametr. Ikkinchidan — N.da aniqlanadigan xususiyat tanlangan metodlar koʻrsatkichiga har xil taʼsir etishi lozim. Yonlama va neytron karotaj diagrammalariga kollektorlarning neftga toʻyinganligi turlicha taʼsir koʻrsatadi — suvga toʻyingan kollektorlarga nisbatan yonlama karotaj boʻyicha solishtirma elektr qarshiligi oshadi, neytron karotaj koʻrsatkichlari oʻzgarmay qoladi. N., asosan, geologik kesim tavsiflarini sifatli (nomiqdoriy) talqin qilish imkoniyatini beradi. Bunga kollektorlarni ajratish, toʻyinganlik tavsifini baholash va togʻ jinslarining litologik tarkibini burgʻu quduq kesimi boʻyicha oʻzgarishi taaluqli. Gazga toʻyingan kollektorlarni va gaz-neft kontaktini N. boʻyicha ajratilgan., Normallash