Qidiruv

neft (gaz) olish uchun moʻljallangan quduq. Neft (gaz) olish quduqlari yer ostidagi, koʻndalang kesimi chuqurligiga nisbatan juda kichik, silindr koʻrinishdagi sunʼiy togʻ inshooti. N.(g.).q. asosiy elementlariga quyidagilar kiradi: tubi — burgʻilash davrida chuqurlashib boradi; devorlari — quduqning yonlanma yuzasi; ogʻzi — quduqning yonlanma yuzasining yer yuzasi bilan kesishgan chizigʻi; oʻzagi (tanasi) — quduq devorlari bilan chegaralangan boʻshliq (quvurlar bilan mustahkamlangan yoki mustahkamlanmagan boʻlishi mumkin); quduq oʻqi — quduq boʻshligʻi markazini koʻrsatuvchi trayektoriya. N.(g).q. muhandislik inshooti boʻlib, quyidagi asosiy koʻrsatkichlardan iborat tuzilishga ega: oʻzagining (tanasining) diametri — togʻ jinslarini yemiruvchi burgʻi diametriga teng; umumiy chuqurligi; quduq oʻzagini (tanasini) mustahkamlangan oraliqlari — mustahkam boʻlmagan togʻ jinslaridan iborat oraliqlar MQB bilan berkitiladi; quduqqa tushirilgan quvurlar birikmasining tashqi va ichki diametri (yoʻllanma quvurlari, konduktor, mustahkamlovchi quvurlar, nasos-kompressor quvurlari); quvur orti boʻshligʻining (quduq va mustahkamlovchi quvurlarning tashqi diametri oraligʻidagi halqasimon boʻshliq) kesimda oʻtilgan qatlamlarni ajratish uchun sementlangan oraliqlari; quduq tubi tuzilishi — mahsuldor qatlam oraligʻida., Neft (gaz) qudugʻi