от 1. Механизм, аппарат ва шу кабиларнинг таянчини ёки қобиғини ташкил этувчи қисми.
Соат корпуси. Станок корпуси.
Анҳор бўйида машина корпусининг баланд қадди кўринди. — М. Исмоилий, Фарғона тонг отгунча
Ўзиюрар шассининг афзаллиги шундаки, унинг корпусига пахтачиликдаги барча иш жараёнларини бажара оладиган машина ва агрегатларни ўрнатиш мумкин. — Газетадан
2. Бир умумий участкадаги, бир мажмуага кирувчи бинолардан бири, алоҳида бино.
Ўнга яқин синфхона ва катта спорт залини ўз ичига олган янги корпус қурилиб, фойдаланишга топширилди. — Газетадан
Тўқув ва тикув дастгоҳлари жойланадиган корпусда 500 нафарга яқин маҳаллий ишчилар меҳнат қилишади. — Газетадан
3. Бир неча дивизия ёки бригададан иборат йирик ҳарбий қўшилма.
Фронт қўмондонлиги плацдармда армиянинг бир корпусини қолдириб, қолган икки корпуси билан жанг қилишга буйруқ берди. — Назармат, Жўрлар баланд сайрайди
32-ўқчи корпус жангчилари дарёнинг чап қирғоғида мудофаага ўтиб, окоп қазишга киришдилар. — Газетадан
4. Бирор давлатдаги барча дипломатлар, консуллар.
- Қонун чиқарувчи корпус Қонун чиқарув-чи айрим муассасаларнинг ёки қонун чиқарувчи органга тегишли палаталарнинг барча депутатлари. Қонун чиқарувчи корпус раиси бўлган Шнейдер заводга солдатлар чақирди, стачка бостирилди. — Янги тарих