ot 1. tex. Elektr zanjirida ikki oʻtkazgichning bir-biriga tegishi, birikishi, shuningdek, shu birikkan joy; umuman, ikki jismning bir-biriga tegishi va tegib turgan, tutashgan joyi.
Avtomobil oʻnqir-choʻnqir yoʻllardan ketayotganda, kontakt mexanizmi muntazam ravishda yerga tegib boradi. — Fan va turmush
2. Bevosita aloqa, bogʻlanish.
Ular ilgari bir-birlarini soʻzsiz tushunar edilar, yuraklarida borini bir-biriga yetkazib turadigan yashirin kontakt bor edi. — P. Qodirov, Uch ildiz
Men elektrostansiya bilan traktor brigadasi oʻrtasida kontakt oʻrnatgani keldim. — I. Rahim, Hayot buloqlari