ot 1. geol. Turli tosh va tosh parchalarining loy, ohak va shu kabilar vositasi bilan bir-biriga mahkam yopishuvidan hosil boʻlgan togʻ jinsi.
Qadimgi delta yotqiziqlari konglomeratlar va qum qatlamlaridan iborat. — P. Gʻulomov, Zarafshon etaklarida
2. Turli-tuman jins, predmet va qismlarning tasodifiy mexanik qoʻshilmasidan iborat narsa; qurama.
Dunyoda tashqaridan soʻz qabul qilmaydigan, faqat oʻz ichki resurslari hisobiga rivojlanadigan sof til boʻlmagani singari, nuqul boʻlak tillarning lugʻatlaridan tashkil topgan qurama, antiqa konglomerat til ham yoʻq. — Gʻ. Salomov, Tarjima nazariyasiga kirish