Поиск

karotaj diagrammalarini avtomatik ishlash va talqin qilish natijasi. Aniqlangan parametrlar egri chiziq (chizma) shaklida maxsus elektrostatik qogʻozlarda ifodalanadi. Chizma sarlavhasida maydonning nomi, quduq raqami, burgʻilagan tashkilot nomi, stratigrafiya, geofizik ishlar va EHMda ishlash muddati, ish rejimi va foydalanilgan sistemalar xili koʻrsatiladi. Uning pastida jadvalda ishlangan oraliqning usti va pastining chuqurligi, qatlam suvi va burgʻilash eritmasining solishtirma elektr qarshiligi, eritmaning solishtirma ogʻirligi, oraliqning ustki temperaturasi, neytron (NK) yoki akustik karotaj (AK) va gamma karotaj (GK) materiallarini talqin qilish uchun zarur ikki tayanch qatlamlar boʻyicha maʼlumotlar keltiriladi. Undan pastroqda chizma-tasvir koʻrinishida ishlash oraligʻi boʻyicha — birinchi ustunda tayanch egri chiziqlari (yonlama yoki induksion karotaj yordamida aniqlangan elektr qarshiligi), oʻz-oʻzidan qutblanish PS diagrammasi, quduqning diametri va nominal diametri, akustik yoki neytron karotaj boʻyicha gʻovaklilik va GK yoki PS boʻyicha gillilik koeffitsiyenti beriladi. Keyingi ustunda jinslarning komponent tarkibi (mas., ohaktosh yoki qumtosh matritsasi, gillilik, gʻovaklilik koeffitsiyentlari) foizda shartli belgilar b-n koʻrsatiladi. Uchinchi ustunda jinslarning kollektorlik xususiyatlari va qatlam flyuidiga toʻyinganligi aks ettiriladi. Shartli belgilar b-n kollektorlarning neft, gaz va suvga toʻyinganligi, toʻyinganligi aniqlanmaganligi, geologik jihatdan murakkab yoki sodda tuzilganligi yoritiladi. Undan keyingi ustunda perforatsiya qilib, qatlamdan flyuid olinadigan oraliqlar koʻrsatiladi. Oxirgi ustunda qatlam flyuidlari tarkibi shartli belgilarda gʻovaklikning: neft-gazga, suvga toʻyingan va toʻyinganligi aniqlanmagan qismlari foizda keltiriladi. Grafik ostida shartli belgilar, undan pastroqda kollektorlarning qatlamlar boʻyicha parametrlari jadvalda keltiriladi. Qatlamlar boʻyicha ustki va ostki chuqurlik, quduq diametri, solishtirma elektr qarshilik, akustik usuldagi oraliq vaqt ($\Delta$t), gillilik (GK yoki PS usullari natijasi), gʻovaklilik (AK, NK natijalari) va neft-gazga toʻyinganlik koeffitsiyentlari, kutilayotgan flyuid turi aks ettiriladi. T.t.q.b.x.ga ishlagan interpretator (q. Interpretator) qoʻl qoʻyadi va bu hujjatni karotaj partiyasining bosh geologi tasdiqlaydi. T.t.q.b.x. buyurtmachiga aloqa yoʻli yoki pochta orqali tez yetkaziladi., Tezkor talqin qilish boʻyicha xulosa