Поиск

ot Ikki togʻ oraligʻidagi uzun, nisbatan tor, chuqur joy; jarlik.

Ot chopsa, gumburlar togʻning darasi. Botirni ingratar nayza yarasi. — Alpomish

Xotinlarning kulgisidan Ogʻajon darasi jaranglab ketdi. — N. Safarov, Tanlangan asarlar

Mashina oʻydim-chuqur yoʻlaklardan oʻtib, ensiz daraga kirib bordi. — E. Usmonov, Yolqin

ot 1. Jismoniy azob; ogʻriq, kasallik.

Ogʻir dard. Dard koʻrmoq Dardga chalinmoq Dardni yashirsang, isitmasi oshkora qiladi. — Maqol

Dard chekmagan dori qadrini bilmas. — Maqol

Tanasi boshqa dard bilmas. — Maqol

Kechga tomon dard kuchayib ketdi. — A. Qodiriy, Oʻtgan kunlar

Xudoy taolo har bir dardga bir davo yaratgan. — Oybek, Tanlangan asarlar

2. Qoʻli gul ijrochiga, oʻz kasbining ustasiga yaxshilik tilab aytiladigan ibora.

Bu nasiba sizga. Sara bugʻdoy. Qoʻlingiz dard koʻrmasin, ogʻa. — S. Siyoyev, Avaz

3. koʻchma Ruhiy azob, gʻam-gʻussa, alam-hasrat.

Ayriliq dardi. Dardida yonmoq (quymoq). Dardini ichiga yutmoq •

[Fotima domlaga:] Mening hech joyim ogʻrimaydi, faqat ishq dardim bor, uf! Hamza, — Tuhmatchilar jazosi

Nihoyat, dardim yuragimdan toʻlib-toshib, baʼzi gaplarni erimga ayta boshladim. — Oybek,Tanlangan asarlar

Yuragimning dardlari Qizil gulday qatma-qat, alla. — Boychechak

Men kimga yigʻlayman, dardimni yorib. — Shirin bilan Shakar

4. koʻchma Kishining borligʻini, butun fikri-yodini band etgan narsa, ish, tashvish, orzu, xayol va shu kabilar

Uning dardi — oʻyin. Biror narsa dardida yurmoq

Shoirlik bu — ulkan dard. Shukrullo, — Saylanma

Mirzajon koʻnglida shoirlik dardi bilan tugʻilgan bola. — P. Tursun. Oʻqituvchi.

Siz nimani bilardingiz, dardingiz pul, — dedi Zumrad oyisiga. Oybek, — Zumrad

Solih Poʻlatovich shogirdlarining dardini yaxshi tushunardi. — J. Abdullaxonov, Toʻfon

Qadrdoningiz Yusufbek hojining oʻgʻli Otabek bir necha kunlardan beri benihoya bir dard bilan ogʻrir edi. — A. Qodiriy, Oʻtgan kunlar

5. koʻchma Fikr-u xayol; armon, ezgu maqsad.

Uning [Atevning] qalbi hamisha xalq quvonchi, xalq dardi, hash orzu-hislari bilan yonib, olovlanib turadi. — X. Yodgorov, Hayot toʻlqinlari

Elbekning ham oʻziga yarasha dardi, sevgisi, orzusi bor edi. — N. Fozilov, Diydor

Darding maktab ochishginami desam, hali bu yoqda gap katta ekan-u! — M. Ismoiliy, Fargʻona t.o.

6. koʻchma Ishq, muhabbat.

Layli dardida choʻl kezib yurgan Majnunning iztiroblariga yoz holati mutanosib edi. — Gazetadan

Zevarxon Malikai Hubbonning dardida yurgan edi. — Bahrom va Gulandom

ot 1. Taʼlim muassasalarida ilm, maʼlumot berish maqsadida oʻtkaziladigan oʻquv mashgʻulotlari, saboq.

Dars olmoq. Dars bermoq. Dars qilmoq (tayyorlamoq).

Nasiba darsda ekan, aytdim, hozir, dars tamom boʻlishi bilan keladi. — A. Qahhor, Saodatning qissasi

— Qizlar darslarini tayyorlashganmi? — qayin onasiga qaradi Saodatxon. — S. Zunnunova, Olov

Yaqinda sinfdan tashqari dars oʻtamiz. — A. Koʻchimov, Halqa

2. koʻchma Hayotiy tajribadan kelajak uchun chiqarilgan foydali natija, ibrat, saboq.

Bu unga yaxshi dars boʻldi. Rost aytdim — dars aytdim. — Maqol

Senga mening beradigan darsim bor, Ikki ogʻiz soʻzlagani edimzor. — H. Olimjon

ot 1. Yoriq, yorilgan.

Darz oyna. Darz ketmoq.

U [

choyxonachi] zingʻillab borib, bir choynak choy bilan darz piyolani Alijonning oldiga doʻq etib qoʻyib ketdi. — Mirmuhsin, Chiniqish

2. Yorilgan joy; yoriq.

Darz boʻlmoq.

Ichkaridan qilt etgan tovush eshitilmas, faqat eshik darzidan qingʻir chiroq yorugʻi tushib turar edi. — J. Abdullaxonov, Yoʻl

kichik darz katta kemaga ham halokat keltiradi. — Mirmuhsin, Umid

Olimov bu oʻsimliklarning urugʻi shamolda uchib kelib, toshlarning darzlariga joylashishini, undagi namlik va tuzlardan urugʻ oziqlanib oʻsishini tushuntira ketdi. — H. Nazir, Soʻnmas chaqmoqlar

ot 1. Biror yerdan, biror kimsa, narsa haqida olingan xabar, maʼlumot.

Darak qashshoq. Darak kelmoq.

Ismoildan hamon darak yoʻq edi. — Yoshlik

Qorongʻi tushdi hamki, Otaxoʻja akadan darak boʻlmadi, Zumrad opa xavotir ola boshladi. — S. Yunusov, Kutilmagan xazina

Gʻuncha ochgan soʻlim navbahor Kutganimdan keltirdi darak. — Mirtemir, Asarlar

2. Biror narsa yoki xususiyatdan dalolat beruvchi nishona, belgi.

Yoshlik —hayot, kelajak. Yoshlik — qudratdan darak. — Yo. Mirzo

Oq bulutlar feruzalangan samoda yengil suzadi. Kuzning daragi, deymiz buni. — Gazetadan

ot 1. esk. Kema boshqaruvchisi; kapitan.

Kema tumshugʻida turgan dargʻa koʻksini changallagancha daryoga yiqildi. — Yoshlik

Dargʻa yoʻldan toysa, kema agʻdariladi. — Qanotli soʻzlar

Daryoning boʻyida qargʻalar boʻlsam, Eng katta kemaga dargʻalar boʻlsam — Qoʻshiqlar

2. koʻchma Mashinani boshqaruvchi, yurgizuvchi.

Zangori kema dargʻalari.

3. koʻchma Yoʻlboshchi, rahbar, yetakchi.

Uning yuz yoshgacha sogʻ-salomat va yana uzoq yillar kelajak sari shiddat bilan borayotgan ulkan kemaning dargʻasi boʻlib qolishini tilaydilar. — Gazetadan

Siz boʻldingiz sheʼriyatning dargʻasi. — Otayor, Oq fasl