Қидирув

от 1. Бўйи ва эни маълум ҳажмга эга бўлган, асосан ёзиш учун ишлатиладиган қоғоз, қоғоз бўлаги.

Эртоев стол тортмасидан бир варақ қоғоз олиб, нималарнидир тез ёзди. — О. Ёқубов, Эр бошига иш тушса

У бир варақ қоғозга тажрибанинг формуласини шоша-пиша ёзиб кўрсатди. — Ў. Ҳошимов, Қалбингга қулоқ сол

2. Дафтар, китоб ва шу кабиларни ташкил этувчи old-.orqa саҳифадан иборат ҳар бир қат, бўлак.

Ўз каравотида ёнбошлаб олиб, китоб ўқиётган Зулайҳо варақларни шитирлатиб очаётганида, унга қараб-қараб қўяр, аммо индамасди. — Ў. Ҳошимов, Қалбингга қулоқ сол

Аҳмад варақнинг учини буклаб, журнални ёпди. — Ф. Мусажонов, Ҳиммат

Машҳур хаттотлар катта пуллар эвазига кўчирган, ҳар бир варағига нафис безаклар ишланган бу қўлёзма китобларнинг ҳар бири бир неча минг динор туришини Бобурнинг ёнида турган Қосимбек ҳам билар эди. — П. Қодиров, Юлдузли тунлар

3. кўчма Ўтмиш ҳаёт, тарихнинг муайян даврлари, қисмларидан ҳар бири, саҳифаси.

Узилмасин замоннинг риштаси дея, Асрларнинг ораси қолмасин деб бўш, Емасин деб тарихнинг варағин куя, Қулликка эрк тилаги кериб турди тўш. — М. Шайхзода, Тошкентнома

от 1. Муҳим бир гап, матн босилган ва оммага тарқатиш учун мўлжалланган қоғоз; ижтимоий-сиёсий ташвиқот воситаларидан бири.

Ташвиқот варақаси.

Раиса шу атрофдаги қишлоқларга бориб, аҳоли ўртасида варақалар тарқатар, душман ҳақида маълумотлар олиб қайтарди. — И. Раҳим, Чин муҳаббат

2. Маълум бир нарсалар ҳақида маълумот ёзиш учун белгиланган расмий қоғоз, бланка.

Касаллик варақаси. Мукофот варақаси.

[Отахон] Тортмадан рўйхат варақасини олди. — Газетадан

Кадрлар бўлимидан шахсий варақангизни олдирдим. — Ёшлик

сфт. Юпқа ёйилган варақ-варақ ёғли хамир ичига қийма солиб, ёғда пиширилган таом; сомсанинг бир тури.

Офтоб ойим варақи пиширишдан бу кунги меҳмоннинг унча-мунча киши бўлмаганлигини билди. — А. Қодирий, Ўтган кунлар

Патнисларда, тоғораларда қовурма чучвара, варақи, қатлама ва бошқа ҳар нав мева-чевалар. — Ойбек, Танланган асарлар

от Бир тахта юпқа қоғозга ёки матога қамиш ёки савағич чўпларини бел-гили тартибда қўйиб, елимлаб тайёрланадиган ва ипга улаб, шамолда учириладиган ўйинчоқ; варварак.

Варрак учирмоқ.

Шамол келмас, кўтарилмас дока варрагим, Дардаракдай типирчилар, тошар юрагим. — Ғ. Ғулом

Бир вақтлар у ўша том устида варрак учирарди. Ў. — Ҳошимов, Қалбингга қулоқ сол

от 1. тар. Қадимги юнонларда ва римликлар назарида ҳар қандай чет эллик киши, бошқа эл одами.

2. кўчма Ваҳший, қолоқ, маданияциз.

сфт. Варақлари бор, маълум миқдордаги варақсан иборат бўлган.

Юз варақли китоб. Ўттиз варақли қўлёзма.