«Буриме» бўйича 2 та натижа
фр. bouts — охирлари, rimes — қофияланган сўзларидан
буриме. Олдиндан берилган қофия асосида яратилган шеър. Буримеда олдиндан берилган қофия асосида шеър ёзилса ҳам, бироқ ҳар бир мисра мазмунан ва мантиқан бир-бири билан шу қадар бирикиб кетадики, натижада мисраларнинг ўрнини бир-бири билан алмаштириш ёки бирортасини чиқариб ташлаш ҳам мумкин бўлмай қолади. Буриме шоирларнинг бир-бирлари билан куч синашишларида, бир-бирларининг маҳоратларини аниқлаб олишларида муҳим восита ҳисобланади.
— буриме ўйини. Олдиндан берилган қофия асосида ким ўзарга шеър тўқиш ўйини (қ. Буриме). Бунда тўқилган шеър яхлит ғоявий мазмунга ва яхлит композицион тузилишга эга бўлиши керак. Бинобарин, буриме ўйинини олдиндан берилган қофия асосида пала-партиш шеър ёзиш деб тушунмаслик керак. Буриме ўйини шоирнинг ҳозиржавоблилиги ва маҳоратини синаб кўришда муҳим рол ўйнайди. Бироқ аксарият ҳолларда буриме ўйини шаклбозликка, асарнинг ғоявий жиҳатдан жонсиз чиқишига ҳам олиб келиши мумкин.
Қаранг: Буриме
