«Буй» бўйича 28 та натижа: Изоҳли
кўм. (чиқиш келишиги билан) Бери; бошлаб.
Янги йилдан буён. Кечадан буён. Бундан буён. Кўпдан буён.
Ўзбек халқи қадим-қадимлардан буён ҳашар усулида жуда кўп иншоотлар барпо қилган. — С. Аҳмад, Уфқ
Неча йиллардан буён хаёлини банд этган фикр уни амалий ишга бошлади. — С. Кароматов, Олтин қум
Лутфинисони дафн қилганларидан буён у, бир дақиқа бўлсин, уни хаёлидан нари кетказмади. — С. Аҳмад, Уфқ
сфт. 1. Ҳажм-ўлчови одатдагидан ортиқ, катта; улкан.
Буюк тоғ. Буюк давлат. Буюк бино.
Заргаров атрофидаги буюк саҳрони, шу саҳродек чексиз сукунатни сезар, ўзининг беҳаловат руҳи шу бўшлиқларни бус-бутун тўлдириб тургандек туюларди. — А. Мухтор, Асарлар
Фарғона канали ўз кўлами билан буюк аталмиш ўша каналлардан ўн баравар буюкдир. — С. Аҳмад, Уфқ
Фалакка бўй чўзган аллақандай буюк қаср рўпарадан намоён бўлиб, Меъморнинг хаёлини олиб қочди. — Мирмуҳсин, Меъмор
Аҳмад ўзини буюк коинот қаршисида зарранинг миллиарддан бир заррачасидек ҳис этди. — Ф. Мусажонов, Ҳиммат
2. Улуғвор, юксак, тенгсиз, мислсиз.
Буюк, етук одамлар ниҳоятда камтар, кам-сухан, дилбар-у меҳрибон бўлишини бу доно қиз яхши биларди. — Мирмуҳсин, Меъмор
Буюк воқеалар олдида вақт ўз ҳукмини ўтказа олмайди. — Саодат
Инсоният ўз камолоти жараёнида қўлга киритган буюк кашфиёти — тилдир. — Ғ. Саломов, Таржима назарияси
Баҳор бўйи, ёз бўйи заррама-зарра йиққан бунёдини буюк саховат билан деҳқон этагига тўкаётган мана шу олтин кузда унинг юраги қафасдан чиққан қуш юрагидай яйрай бошлади. — М. Исмоилий, Фарғона тонг отгунча
3. Азиз, мўтабар, муқаддас.
Дунёда ҳеч сўз борми Она сўзидан буюк. — Ҳ. Олимжон
Биз биринчи навбатда авлодларнинг буюк хотираси олдида қарздормиз. — Газетадан
4. Буюк (эркаклар исми).
от 1. Тирикчилик ва рўзғорда ишлатиладиган, керак бўладиган ҳар бир нарса.
Рўзғор буюмлари. Заргарлик буюмлари. Чинни буюмлар. Зеб-зийнат буюмлари. Шахсий буюмлар.
Нури кийинишни, безакни севар эди. Зирак, билагузук, заркокил, қўлтиқтумор, тиллақош, зебигардон каби буюмлардан қути-қути йиққан эди. — Ойбек, Танланган асарлар
— Граммофон деган буюмни кўрганмисан ё эшитганмисан? — кулиб сўради Ёр-мат. — Ойбек, Танланган асарлар
Энди эса ўша тарафга боргиси келиб, бирпас бўлса ҳам туғилиб ўсган уйини, онасининг қўли тегган буюмларни кўргиси келди. — С. Аҳмад, Уфқ
2. Ишлаб чиқарилган нарса, маҳсулот.
Махсимнинг буюми оғир экан, савил. — С. Аҳмад, Ҳукм
от Қаттиқ совуқ, аёз.
Кечга яқин Чирчиқ томондан изғирин турди, бўғотларни ялаб, қорини учирди. Буюқ кучайди. — Ҳ. Ғулом, Машъал
Очиқ эшикдан кирган буюқданми ё юраклари чиққанидан, болалар дир-дир титрашар эди. — М. Исмоилий, Фарғона тонг отгунча
шв. Оч биқин. "Равшан". "Нигор ва Замон"
Шукуни.. жонивор Ғиркўк сузилиб, буюри-буюрига қапишиб.. Ширвонга кириб борди
Уйқулар қовоққа қотди, Отлар буюрин тортди
от 1. анат. Одам ва умуртқали ҳайвонларда сийдик ҳосил қилувчи ва уни ажратувчи, ловия шаклидаги жуфт аъзо.
Ўнг буйрак. Чап буйрак. Буйрак тоши.
Буй-рак ловия шаклида бўлиб, ботиқ томони гавданинг ўрта чизиғига қараган. — Анатомия
Баъзан тепки касаллигида сут бези, ошқозон ости бези, қалқонсимон без, буйрак ости безлари ҳам жароҳатланади. — Саодат
2. Баъзи ҳайвонларнинг шундай аъзосини пишириб тайёрланган таом номи.
Қовурилган буйрак.
Тошхол буғланиб турган ўпка, жигар, буйрак, қоринларни пичоқ билан нон устига олиб қўйгач, бармоқларига пуф-пуф-лаб, тўғрай бошлади. — С. Нуров, Майсаларни аёз урмайди
