Qidiruv

mashhur shveysariyalik olim D.Bernulli (D.Bernoulli, 1700—1782) nomi bilan atalgan, gidrodinamikaning asosiy tenglamalaridan biri. B.t. energiyaning saqlanish qonunini ifodalaydi. 1) Ideal suyuqlikning kichik elementar oqimi (koʻndalang kesim yuzasi juda kichik boʻlgan) uchun Bernulli tenglamasi: $P + \frac{\rho v^2}{2} + \rho gz = const$, bunda $P$, $\rho$, $v$ — suyuqlikning barqarorlashgan oqimini ixtiyoriy kesimidagi statistik bosimi, zichligi va tezligi; $g$ — erkin tushish tezlanishi; $z$ — oqimni koʻrilayotgan koʻndalang kesim yuzasini shartli nol sathdan balandligi; $\frac{\rho v^2}{2}$ tezlik tazyiqi yoki tezlik bosimi. 2) Haqiqiy suyuqliklarning barqarorlashgan oqimida oʻtkazilgan ikki (1 va 2) koʻndalang kesimi uchun Bernulli tenglamasi: $P_1 + \alpha_1 \cdot \frac{\rho v_{cp1}^2}{2} + \rho gz_1 = P_2 + \alpha_2 \cdot \frac{\rho v_{cp2}^2}{2} + \rho gz_2 + \Delta P_{1,2}$, bunda $v_{cp}$ — sekunddagi hajmiy sarfni koʻndalang kesimi yuzasi nisbatiga teng boʻlgan, berilgan kesimdagi oʻrtacha tezlik; $\alpha$ — kesimdagi tezlikning notekis taqsimlanishini hisobga olish koeffitsiyenti; $\Delta P_{1,2}$ — 1- va 2-kesimlar oraligʻida ishqalanish kuchlari hisobiga bosimning yoʻqolishi. 3) Ideal gazni politropik jarayonlar taʼsirida 1- va 2-kesimlar orasida holati oʻzgargandagi barqarorlashgan oqim uchun Bernulli tenglamasi: $gz_1 + \frac{v_1^2}{2} + \frac{n}{n-1} \cdot \frac{P_1}{\rho_1} + gz_2 + \frac{v_2^2}{2} + \frac{n}{n-1} \cdot \frac{P_2}{\rho_2}$, bunda $n$ — politropik koʻrsatkich., Bernulli tenglamasi