Қидирув

от 1. ад. Шарқ шеъриятида аруз вазнида ёзилган ғазал, қасида, маснавий каби асарларнинг бир бутун икки мисраси, банди.

Ғоявий-бадиий томондан бир бутунликни ташкил қилган икки мисра шеър байт саналади. — Ўзме

Адабиётимизда рубоий каби тўрт ёʻл, байт каби икки ёʻлдан иборат шеърий шаклларнинг пайдо бўлиши ҳам бежиз эмасдир. — Шукрулло, Жавоҳирлар сандиғи

Агар мазкур шеър бамисли бир қуш бўлса, бу байт унинг тожи-ку, мавлоно! — С. Сиёев, Ёруғлик

2. Умуман, ҳар қандай шеър, шеърий парча.

Нечоғ бахтиёрман таъзимда шу тоб Сизнинг шаънингизга битмоқдаман байт. — А. Орипов

Мунча ширин байтингиз, омон бориб қайтингиз, Ғолиб, барно йигитга биздан салом айтингиз. — Т. Тула

3. кўчма Ёқимли овоз, оҳанг.

Ёмғиржон, бир қўшиқ айтки, томларни тарақлат. Япроқларни ювиб қайт, ёʻлкаларда байт тарат. — Отаёр, Оқ фасл

4. махс. Ўзбек халқ амалий санъати (бадиий мискарлик, кулолчилик, рихтагарлик)да қўлланадиган нақш ва безак турларидан бири.

Байт буюмга ўзига хос нафосат, бадиийлик бахш этади. — Ўзме

5. эск. кт. Истиқомат қилиш, яшаш учун қурилган уй, хона; манзил.

Байти вайрона — хароба, вайрона бўлган уй. Байти маъмур — ободон уй.

Уйни араб байт дер. — А. Навоий, Мезонул-авзон

от Урғочи от; бия.

Байтал чопиб пойга олмас. — Мақол

Тоғ этакларидан қор кетиб, пастликлар яшилланиб қолган апрель ўрталарида байталим қулунлади. — С. Аҳмад, Жимжитлик

от Маккадаги зиёратгоҳ — Каъбанинг иккинчи номи.

[Мастура Мирзарайимбойга:] Сизни деб қора бўлган бу юзларимни байтуллога суркамай ўлсам, рўзи қиёматда қандай бош кўтараман? — Ҳамза, Паранжи сирлари

от 1. 1 Давлат хазинаси; давлатга қарашли бўлган бойлик.

2. Эгасиз қолиб, давлат ихтиёрига ўтган мол-мулк.

3. Давлатга тегишли бўлган бойликлар сақланадиган махсус жой, бино.

от 1. Байтлар ва ғазаллар.

Бу сўзларни бунда қаландар айтди. Бир неча байт-ғазалин айтди. — Ширин билан Шакар

2. кўчма С. т. Насиҳатомуз ёки шикоятомуз гап; дард-ҳасрат қилиш.

Шолипояни сотаман, индин пул оламан, фалон-тугун, деб анча байт-ғазал ўқиди. — Ҳамза, Паранжи сирлари