Qidiruv

sft. 1. Aʼlo sifatli, eng yaxshi; toza, sof (qalbaki, past emas).

Asil mol. Asil shoyi. Asil buyum. Asil aynimas, aynisa ham chirimas. — Maqol.

Oyoqqa chulgʻov qilsang ham, asil ipak boʻz boʻlmas, deb shuni aytadi. — A. Muxtor, Kumush tola

Kela qoling, lalmi qovun, marmar tarvuz sabzining asili. — Gazetadan

2. koʻchma Yaxshi xislatlarga, fazilatlarga ega boʻlgan; olijanob, bebaho; sof, pok.

Asil odam. Asil farzand.

[Komilov Qodirga:] Yana boʻrk ol desam, bosh olib yurma! Dadavoy aka kabi odamlar bizga kerakli odamlar. Xatolari, nuqsonlari koʻp boʻlsa ham, yuragi asil koʻrinadi. — Uygʻun, Navbahor

3. Asil (erkaklar ismi).

ot 1. Urush vaqtida dushman qoʻliga tushib, ozodlikdan mahrum boʻlgan shaxs; bandi.

Asir olmoq. Asir tushmoq. Asirlarni almashmoq.

Turdiyev asirni toʻgʻri batalyon shtabiga olib joʻnadi. — Shuhrat, Shinelli yillar

— Qoʻrboshi qani? — deb soʻradi Botirali hamon qoʻl koʻtarib turgan asirlardan. — H. Gʻulom, Mashʼal

Toʻpxona qurilishida, biz bilan birga, asir tushgan avstraliyalik soldatlar ham ishlardi. A. — Tolibov, Haqiqat yengdi

2. koʻchma Tutqun, bandi holatida yashovchi shaxs.

Toʻrt devor asiri boʻlib oʻtirgan ayollar bunday paytlarda kattakon bogʻda qafasdan chiqqan qush singari yayrar. — X. Ahrorova, Orifning davlati

3. koʻchma Biror kimsa yoki narsaga oʻzini butunlay topshirgan, uning quli holatidagi shaxs.

Mana shu kundan boshlab Yoʻlchi shu qizning asiri, maftuni boʻldi. — Oybek, Tanlangan asarlar

ot Asir ayol.

Hasan ota oʻlgach, Sojida chin yetimlik girdobida asira boʻldi. P. — Tursun, Muallimning tongi

ot Asir holat.

Asirlik dahshatli oʻlimdan ham kuchliroq edi. — I. Rahim, Chin muhabbat

ot Feodal va burjua-dvoryan jamiyatida: yuqori tabaqali zotlarga mansub shaxs; oqsuyak.

sft. zid. Simmetrik boʻlmagan, simmetriyasiz; simmetrik.