Hayot Foundation loyihasi
Loyiha haqida
Oʻz
Oʻz

Qidiruv

«ʼALİ» boʻyicha 15 ta natija: Izohli

Filtr
Lugʻat turi
Izohli Tarjima Terminologik Frazeologik

Lugʻat maqolalari

15 ta
alif

ot Arab alifbosining birinchi harfi va uning nomi.

  • Alifni kaltak (yoki tayoq) deyolmaydi Akam faqirning qornini yorsang, alif chiqmaydi-yu, tagʻin falon-u pismadon deganiga kuyaymi! — P. Tursun, OʻqituvchiYoʻgʻ-e, qanaqa qilib oʻqirdim. Alifni kaltak deyolmayman-ku. Oydin, — Sadagʻang ketay komandir
  • Alif qomat Qaddi-qomati kelishgan, xushqomat, sarvqomat. [Hayitjon Toʻlaxonga:] Koʻzimiz bilan koʻrdik, xudoga shukur: qoshi, koʻzi qunduzdek, burunlari bodomdek, qizil yuz, alif qomat, suqsurdek yigit ekan. — Hamza, Xolisxon
Toʻliq maqola →
alik

ot s. t. Salomga qaytariladigan javob; javob salomi.

Alik olmoq (qaytarmoq). Salom ham farz, alik ham farz. — Maqol

Sinf bir ogʻizdan Assalomu alaykum! deb qichqirdi. Ammo salom aliksiz qoldi. — M. Ismoiliy, Fargʻona tong otguncha

— Gulistonliklar andak narida, — deyishdi kampirning salomiga alik olgan kishilar. — I. Rahim, Chin muhabbat

Toʻliq maqola →
alibi

ot huq. Aybdor deb gumon qilinayotgan shaxsning jinoyat sodir boʻlgan paytda shu joydan boshqa joyda boʻlishi (bu hol uning jinoyatga aloqasi yoʻqligini tasdiqlovchi dalildir).

Shojamil Kabirovichning qotillik yuz bergan kunga toʻla alibisi bor. Demak, avvalo qotilni topish lozim. — S. Mirzo, Yarim tundagi qotillik

Toʻliq maqola →
alifbe

ot 1. ayn. Alifbo.

2. Boshlangʻich savod chiqarish kitobi.

Birinchi sinf oʻquvchilari uchun alifbe.

Faqir xalqning farzandlari alifbega zor. — Oybek, Nur qidirib

3. koʻchma Biror maslak, taʼlimot, ilm va shu kabilarning boshlangʻich asoslari, eng oddiy qoidalari.

Muhammad Jamol alifbesidan boshlab, doʻstining ongidan xurofotlar bulutini tarqatishga tirishdi. — Oybek, Nur qidirib

Toʻliq maqola →

Hammasini koʻrish · 15 →