Hayot Foundation лойиҳаси
Лойиҳа ҳақида
Ўз
Ўз

Қидирув

«И̇штаҳ» бўйича 6 та натижа

Филтр
Луғат тури
Изоҳли Таржима Терминологик Фразеологик
Тилдан
Ўзбекча Туркча
Тилга
Ўзбекча Русча Инглизча Қорақалпоқча Немисча Франсузча Арабча Туркча

Луғат мақолалари

6 та
иштаҳа
Изоҳли луғат · яна 6 та луғатда

от 1. Овқатланишга уйғонган ёқимли иштиёқ (сўлак ва меъда шираси ажралиши билан юзага келади).

Ёдгор соғайиб, иштаҳаси охирги даҳадан турган пилла қуртиникидай бўлган эди. — С. Айний, Дохунда

[Салимбойвачча] Эзилиб пишган ёғли гўштни иштаҳа билан еб, шишани яримлатди. — Ойбек, Танланган асарлар

2. кўчма Иштиёқ, майл, ҳафсала.

Ўҳ-ҳў, балли иштаҳангга, шошма, бу ҳам бўлур тез. Ойга бориб, ўзинг ойни ола қолгин, яхши қиз. — М. Шайхзода.

Лочинбоев йигит орқасидан жамоа раиси кириб келишини зўр иштаҳа билан кутган эди. — Ҳ. Шамс, Характеристика

  • Иштаҳага кирмоқ Овқатланишга хоҳиш, иштаҳа пайдо бўлмоқ. Иштаҳага кирди-ю, кулча юзига ранг югурди — К. Яшин, Ҳамза
  • Иштаҳани бўғмоқ (ёки ўлдирмоқ, кесмоқ) 1. Иштаҳани ёʻқ қилмоқ, қайтармоқ. Ҳаёт эса боягидай қилтомоқ бўлиб ўтираверди, тўғриси, бу ноёб бахт унинг иштаҳасини бўғиб қўйган эди. — М. Исмоилий, Фарғона тонг отгунчаГулнорнинг ҳам иштаҳаси кесилди, икки-уч қошиқ шўрва ҳалқумидан базўр ўтди. — Ойбек, Танланган асарлар.
  • Иштаҳа(ни) очмоқ Иштаҳа пайдо қилмоқ. Халқ табобатида карам барги иштаҳа очувчи омил сифатида фойдаланилган. — Газетадан
  • Иштаҳаси карнай 1. Иштаҳаси жуда яхши. — Иштаҳа карнайга ўхшайди, — деди кулиб Ғози, кейин икки бармоғи билан томоғини силади. — И. Рахим, Ихлос
Тўлиқ мақола →
иштаҳасиз
Изоҳли луғат · яна 2 та луғатда

сфт. Иштаҳаси ёʻқ, овқатни севиб, кўнгли тусаб емайдиган, камтомоқ.

Гулсумбиби, бетоб, иштаҳасиз қизи учун ўз ҳовлисида, ўз декчасида тайёрлаган бир коса серқатиқ хўрда ошни авайлаб кўтариб, эшикдан кириб келди. — Ойбек, Танланган асарлар.

Тўлиқ мақола →
иштаҳасизлик
Изоҳли луғат · яна 1 та луғатда

от Иштаҳасиз ҳолат, иштаҳа ёʻқлик.

Умматали, нима учундир, дами қайтган ошни иштаҳасизлик билан еб, диванга чўзилди. — Шуҳрат, Жаннат қидирганлар

Чарос иштаҳасизлик билан шўрва ичаркан, онасининг ўзига диққат билан қараб қўяётганини сезар эди. — Ў. Ҳошимов, Қалбингга қулоқ сол

Тўлиқ мақола →