«(В)» boʻyicha 597 ta natija: Izohli
bogʻl. Teng huquqli gap boʻlaklari va gaplarni bogʻlash uchun xizmat qiladi.
Shahar va qishloq. Qor va yomgʻir. Kecha va kunduz.
Uy kichkina, lekin yorugʻ va toza edi. — Oybek, Tanlangan asarlar
Bahri xiyla oldinda Risolat bilan birga borar va otning qadam tashlashi maqomiga ashula aytar edi. — A. Qahhor, Xotinlar
Koʻngil xazinasining qulfi tildir va ul xazinaning kaliti soʻzdir. — Alisher Navoiy
und. s. Birovni choʻchitish uchun toʻsatdan, bildirmasdan aytiladigan soʻz.
Orqadan kelib vah desa, bir choʻchib tushibman.
ot 1. Biror narsa, hodisa va shu kabilarni keltirib chiqaruvchi asos; sabab.
Koʻktemirni qoʻshib chala oʻlik qiyatni doʻxtirga yuborganing vajini endi bildim, ablah! — A. Muxtor, Qoraqalpoq qissasi
Menga aytgin yigʻlaganing vajini, Ne sababdan bunday oʻksib yigʻlaysan. — Bahrom va Gulandom
2. Ish-harakat, hodisa va shu kabilarni oqlash uchun koʻrsatiladigan, keltiriladigan sabab, asos; bahona.
Dangasaning vaji koʻp, ohangsizning — avji. — Maqol
Bilib, koʻrib turib oʻzini oqlashga vaj qidiryapti. — S. Nurov, Narvon
Yilning oxirida million-million ajratilgan mablagʻ foydalanmay qolib ketadi. Ungayam vaj topib beradilar. — S. Karomatov, Soʻnggi barxan
3. Biror narsaga taalluqli jihat, tomon.
— Qorin vaji uncha maqtarli emas — dedi Shum bola. — Gʻ. Gʻulom, Shum bola
Ammo mendan soʻrasang, Margʻilondagi na qudamiz va na kelinimizni hech bir vaj bilan kamsita olmayman, balki bizga quda boʻlmoqqa eng muvofiq kishilar edi, balli, oʻgʻlim, deyman. — A. Qodiriy, Oʻtgan kunlar
ot tex. Turli mashina va mexanizmlarda oʻz oʻqi atrofida aylanadigan va oʻziga oʻrnatilgan detalga aylanma harakat va kuch uzatadigan detal; oʻq.
Val orqali hosil qilingan aylanma harakatni shatun yordamida tebranma harakatga keltirish mumkin. — Fan va turmush
ot 1. Diniy tushunchalarni xalqqa, qavmga tushuntirishga, targʻib qilishga qaratilgan nutq; yaxshilik va ezgulikka chaqiruvchi daʼvat.
Oradan uch kun oʻtib, namoz jumadan keyin, Abduvaqqos eshon vaʼz aytibdi, gʻazotga fatvo beribdi. — A. Qahhor, Qoʻshchinor chiroqlari
2. Maʼruza; leksiya; nutq.
Oʻz vaʼzini tamomlar ekan, dedi: Tanqid keltirar foyda. — M. Ikrom, Koʻngil guli
Xalil ota Toʻraxonovning balandparvoz vaʼzini jimgina oʻtirib tingladi. — Sh. Rashidov, Qudratli toʻlqin
3. Nasihatomuz yoki tashviqiy nutq; pand-nasihat, oʻgit.
Majlisda oziq-ovqat razvyorstkasi haqida vaʼz aytadi-yu, uyida sholini oʻraga koʻmadi. — H. Gʻulom, Mashʼal
taql. s. Tez aylanuvchi va umuman tez harakat qiluvchi narsa hosil qiladigan tovush va unga taqlidni bildiradi.
Viz-viz uchib arilar, Gul oʻpar sharbat yalab. — Q. Muhammadiy
Uh, tindi tigʻlarning sovuq jarangi, Tindi kamon oʻqin mashʼum viz-vizi. — O. Hakimov
