ot 1. Bir ajdoddan tarqalgan nasl, avlod; nasl-nasab.
Ha, Gulnorning tagi past-da. Otasi kim? Onasi kim? Malay, choʻri Zotiga tortadi, zoti past. — Oybek, Tanlangan asarlar
Balki zamonlar oʻtib, davrlar shamolida Sovurilar qancha zot, yana qancha buyuklik. — A. Oripov, Yurtim shamoli
Men soʻrayman millatingni, zotingni, Yashir-mayin aytavergin dardingni. — Hasanxon
Shayx Ismoil ogʻziga kelganini qaytarmay qargʻar, Sanobarni zoti pastdan olib, zoti pastga solar edi. — K. Yashin, Hamza
2. Biror fazilati, xislati bilan ajralib turuvchi, hurmatli kishi.
Ulugʻ zot.
Bu — Qorabuloq qishlogʻi va atrofiga qozilik qiluvchi maʼlum zot edi. — M. Ismoiliy, Fargʻona tong otguncha
El-ulus sizdek zotlarga gʻoyat muhtojdir [dedi Navoiy]. — Oybek, Navoiy
3. Umuman, har qanday shaxs, odam.
[Majlisda) Yuqorida ismlari oʻtgan zotlardan boshqa Homid, Rahmat ham Hasanali bor edilar. — A. Qodiriy, Oʻtgan kunlar
Berdiboyning zoye ketgan oʻn besh yillik mehnatini himoya qiladigan bir zot koʻrinmadi. — A. Qodiriy, Obid ketmon
4. Biror tabaqa, ijtimoiy guruh kishi-si, ahli.
Olim zoti. Yozuvchi zoti.
Karvonboshi Akromboyni oʻz oldiga chaqirib: — Bugun, —
dedi, — xaridor zotining saroyga kirishiga yoʻl bermang — S. Ayniy, Qullar
5. Jins, nav.
Qoramol zoti.
6. shv. Uloqda beriladigan mukofot.
Uloq hamon joyida yotganini koʻrgan bakovul zotni oshirdi. — T. Murod, Ot kishnagan oqshom
- Zoti oliy Oliy zot, ulugʻ inson.
- Er(kak) zoti Doya kelgandan soʻng, ichkari hovli erkak zotidan toza-landi. — A. Qodiriy, Oʻtgan kunlar
- Ayol (yoki xotin, qiz) zoti Ayol zotining bosh-adogʻi zarga oʻralgani bilan, oʻzi yomon boʻlsa, kimga keragi bor? — T. Murod, Ot kishnagan oqshomUnga bir vadavang: — Bilmayman, asli qiz zoti bilan gaplashgan emasman, — debdi. — P. Tursun, Oʻqituvchi