Поиск

ot 1. Oʻt, safro.

2. Jahl, gʻazab, doʻq, baqirish.

Nusrat-bek uning tovushidagi zardani payqadi. — S. Nurov, Narvon

Domlamizning zardalari yomon va achchiqlari tez — M. Muhammadjonov, Turmush urinishlari

Yodgor Dilshodning unga yana zarda aralash qarab qoʻyganini ilgʻab oldi. — Oʻ. Hoshimov, Qalbingga quloq sol

Zardangiz qursin, har vaqt doʻq bilan gapirasiz! — Oybek, Tanlangan asarlar

Valiyev ataylab zarda bilan gapirgan boʻlsa-da, aslida raisdan mamnunligi sezilib turardi. — E. Usmonov, Yolqin

ot 1. Oltin, tilla.

Zar qadrini zargar biladi. — Maqol

[Husayn:] Xazinamda har qancha zar, har qancha aqcha boʻlsa, yurtning obodonligi uchun sarf etishga vaʼda beraman. Uygʻun va — I. Sulton, Alisher Navoiy

Norga ortinglar zaringni, Xotin, bola-chaqalaringni. — Yusuf va Ahmad

2. koʻchma Oltin bilan teng, oltinga oʻxshash narsa haqida.

Toshlar ustiga doʻlanaday-doʻlanaday yirik tomchilar tushib, atrofga zar kukunlari sochildi. — H. Nazir, Soʻnmas chaqmoqlar

3. Tilla, pul, umuman boylik.

Ter toʻkib mehnat qilsang, yerdan hatto zar unar. — Maqol

Mehrni oʻlchab boʻlurmi zar bilan, inju bilan? — E. Vohidov, Muhabbat

Saroyga bordim-u, pul olganim yoʻq, Shahanshohning, dedi, oltin, zari yoʻq. Uygʻun va — I. Sulton, Alisher Navoiy

4. Zardoʻzlikda zarbof toʻn, zar doʻppi va boshqalar tayyorlashda ishlatiladigan, oltin yoki kumush suvi yuritilgan, zarlangan ipak yoki sim; shunday ipak yoki simdan tikilgan kiyim.

Zar bilan tikilgan doʻppi. Zar roʻmol.

U zar yoki kimxob toʻn ichida odamlar oʻrtasida savlat toʻkib turibdi. — M. Ismoiliy, Fargʻona tong otguncha

5. Bezak yoki oʻrov uchun ishlatiladigan yupqa yaltiroq metall varagʻi yoki zarhallangan qogʻoz.

Zar qogʻoz. Zarga oʻralgan popuk (konfetlar).

Archa har xil shakldagi zar qogʻozlar va boshqa oʻyinchoqlar bilan beza-tilgan. — K. Yashin, Hamza

sft. 1. Jahlli, jahli tez, serzarda.

Boʻta shu topda Sodiq tarangning zardali yuzini koʻz oldiga keltirgan edi. — S. Ahmad, Hukm

2. Jahl yoki gʻazabni ifodalaydigan, jahl aralash.

— Dastavval Boʻtavoy degan baloni oyoqdan yiqish kerak, — dedi Azimboyvachcha zardali, lekin surnaydek ingichka ovoz bilan. — S. Ahmad, Hukm

Nazar shu alfozda — ufqlarga bir oz zardali, lekin qatʼiyat bilan tikilib turishida Kozimga yoqib ketdi. — E. Usmonov, Yolqin

ot Hadeb zarda, jahl qilishlik.

Zardabozlik, asabiylik, dagʻdagʻa bilan ish bitmaydi. — Gazetadan

fl. Jahl qilmoq, gʻashlanmoq.

sft. Jahli tez.