Поиск

fl. 1. Tortqilab uzib olmoq, siltab tortmoq, yulib tashlamoq, yulmoq.

Muallimimiz telpagimni yulqib olib, derazadan otib yubordi. — T. Murod, Ot kishnagan oqshom

Bir mahal allaqanday kuch meni zarb bilan yulqib oʻrnimdan turgʻazdi. — E. Raimov, Ajab qishloq

2. ayn. Yulqilamoq.

Yung yulqimoq.

Gʻulomjon bir siqim paxtani qoʻlida yulqib turar edi. — M. Ismoiliy, Fargʻona tong otguncha

Umar yuzini yengil shabadaga tutib xayol suradi. Yel mayin sochlarini yulqib oʻynaydi. — Oʻzbekiston qoʻriqlari

3. ayn. Yulmoq 3.

Har maosh tarqatganda, oʻqituvchilardan 5-6 soʻmdan yulqib qolishi ham holva ekan. — Mushtum

u soʻnggi uch-toʻrt yilning oʻzidagina har kimlardan ming soʻmlardan koʻproq pulni yulqigan. — Mushtum

sich befreien, sich loszureißen suchen

fl. 1. Hadeb yulqimoq, takror-takror yulqimoq.

Kamoliddin iyagini tizzasiga tirab, nariroqda karraklarning uchini yulqilab yeyayotgan nortuyaga, uning gʻamgin koʻzlariga tikiladi. — S. Nurov, Suv qoʻshigʻi

[Nuri] Telbalarcha onasini yulqilay boshladi. — N. Fozilov, Oqim

2. ayn. Yulmoq 3.

Tort-tort qilib, tushum pullardan yulqilab, serxarxasha jigʻildonini tinchitib yurgan Ergashev shofyorlarning mushugini pisht deyolgani ham yoʻq. — Mushtum

Kombinatdan yulqilagan mollari tufayli gardaniga tushgan qarzlari bosti-bosti boʻlib ketishi hech gap emas. — A. Muhiddinov, Hadya