Поиск

sft. Qoʻlida quroli, yarogʻi bor, qurollangan; qurolli.

Yovga chiqsang, yarogʻli chiq, yolgʻiz chiqma, hamrohli chiq. — Maqol

Hovli oʻrtasida bularni bir toʻda yarogʻli kishilar oʻrab oldilar. — S. Ayniy, Qullar

Qushbegi yarogʻli yigitlarni qaytishga buyurib, gunohkorlarni yuvoshgina qilib, oʻz oldiga chaqirdi. — A. Qodiriy, Oʻtgan kunlar

ot Hujum yoki himoya qilish uchun ishlatiladigan asbob; qurol, aslaha.

Botirning mushti ham yarogʻ. — Maqol

Tintuv vaqtida uyingizdan yarogʻ chiqsa, bekorga oʻlib ketasiz. — J. Sharipov, Xorazm

Er yigitni sherdil qiladi poʻlat Yarogʻi yarqillab tursa qoʻlida. — Murodxon

sft. Yarogʻi, quroli, aslahasi yoʻq; qurolsiz.

Yarogʻsiz odam. Yarogʻsiz otryad.

ot Qurol-asbob yasovchi usta.

ot Qurol-asbob, oʻq-dori saqlanadigan joy; arsenal.

fl. Qurolni qoʻlga olmoq, qurollanmoq.

Yarogʻlangan yigitlar irgʻib turib, koʻchaga chiqib ketdilar. — S. Ayniy, Qullar

Barcha yarogʻlanganlar urushga hozir edi. — A. Qodiriy, Oʻtgan kunlar