fl. 1. Oʻrilgan gʻalla boshoqlarini bosib, urib, ezib, donni ajratib olmoq.
Bugʻdoy yanchmoq. Sholi yanchmoq. Yanchish mashinasi.
2. Zarb bilan urib ezmoq; maydalamoq, kukunga aylantirmoq.
Murch yanchmoq. Tolqon yanchmoq.
Chu, desang togʻlarni chogʻlar dimogʻi, Toshni yanchar poʻlat, asil tuyogʻi. — Ravshan
Ilonni quyrugʻidan emas, boshidan yanchadilar. — M. Ismoiliy, Fargʻona tong otguncha
3. Oyogʻosti qilmoq, payhon qilmoq, ezib tashlamoq.
Yel ortiqcha bir gʻazab ustida edi, yer yuzidagi tikkaygan narsani bukib-yanchib tashlamoqchi boʻlgandek pishqirar edi. — A. Qodiriy, Oʻtgan kunlar
Yanchib oʻtar har bir tanka balo togʻini, Samolyotlar yogʻdiradi samodan olov. — Gʻayratiy