Поиск

ot 1. Tananing ikki yelka oraligʻidagi orqa qismi; kurak usti.

Yagʻrini keng yigit.

Karavot chetiga oʻtirib kiyindi, koridorda qizarguncha yuvindi, hoʻl sochiq bilan koʻkrak, boʻyin va yagʻrinlarini obdan ishqalab, qonini betga teptirdi. — Shuhrat, Shinelli yillar

Kun qiziq. Oftob yagʻrindan urib turadi. — Gʻ. Gʻulom, Shum bola

2. Hayvonlarda belning yuqori qismi, ikki yelka oraligʻi.

Ot yagʻrinini talayotgan chivinlarni dumi bilan toʻzitib yuborar. — S. Ahmad, Qadrdon dalalar

ot 1. Yagʻrini keng.

Amina ona., yoshi qirqlardan oshib qolgan, erkaknamo, novcha, yagʻrindor xotin edi. — O. Yoqubov, Bir felyeton qissasi

Baland boʻyli, yagʻrindor, kallaxum yigitcha kirdi. — Oybek, Oltin vodiydan shabadalar

2. koʻchma Keng quloch yoygan, bagʻri keng.

— Ana bu pakanaga boqing, pakanaga, — ota pastakkina, ammo yagʻrindor olma daraxtiga ishora qildi. — Y. Muqimov, Qoʻshbuloq

Bagʻri keng jilgʻalar, yagʻrindor qirlarda yashovchi jonivorlar jimgina pisib, yoʻlovchini kuzatardilar. S. — Anorboyev, Oqsoy