ot 1. Suyuqlikning zarrachalari tortishuvi natijasida aylanma sirt bilan chegaralangan, bir tomishdan hosil boʻlgan alohida kichik boʻlagi.
Suv tomchisi. Yomgʻir tomchilari. Bir tomchi ham qoldirmay ichmoq. Tomchi sel boʻlmas, dushman el boʻlmas. — Maqol
Tomchi toshni teshadi. — Maqol
Bir tomchi suv chumoliga daryo koʻrinadi. — Maqol
Bu gal qusuq qonga aylangan edi, [Kumushning] burnidan ham bir necha tomchi qon oqdi. — A. Qodiriy, Oʻtgan kunlar
Uning [dehqonning] oftobda kuyib pishgan, etsiz, yirik yonoqli yuzida koʻz yoshimi, termi, har holda tomchilar yumalanar edi. — Oybek, Tanlangan asarlar
2. shv. ayn. Chakka II.
Tomdan tomchi oʻtayotir.
Yomon boʻlganda qanday — umrning zavoli. Onam, tomchining har chiq etgani — bir kunlik umrning chiqqani, deydilar. — P. Tursun, Oʻqituvchi
- Daryodan (yoki dengizdan) bir tomchi Koʻpning, katta miq-dorning juda oz qismi, qatrasi. — Bu aytganlarimiz daryodan bir tomchigina! — dedi Olimov, bolalarning koʻpi hali qanoatlanmaganini sezib. — Togʻlarimizda sir koʻp. — H. Nazir, Soʻnmas chaqmoqlar