Поиск

ot Dafn marosimida oʻlikni solib, mozorga yelkama-yelka koʻtarib boriladigan toʻrt dastali moslama.

Oʻlikni tobutga solmoq.

Jasad yuvilib, kafanlangandan keyin, peshinga yaqin tobutni koʻchaga olib chiqdilar. — P. Tursun, Oʻqituvchi

Zum oʻtmay odamlar toʻdasi tobutni lopillatib, koʻcha tomonga yoʻl oldi. Yodgor bir vaqtlar tobut koʻtarish savob, degan gapni eshitgan edi. — Oʻ. Hoshimov, Qalbingga quloq sol

ot ayn. Tobutsoz.

ot Tobut yasovchi usta; tobutchi.

ot 1. Tobut koʻtaruvchilarning har biri.

Birdan tobutkashlar harakatga tushib qolishganda, xotin-xalaj uvvos tortib yigʻlay boshlagan edi — Y. Shamsharov, Toshqin

2. koʻchma Yaxshi-yomon kunlarda bir-biriga hamdam, hamdard boʻluvchi bir yerli kishilar.

Yoʻq, qizim, oʻylab gapiring. Man, qari odam, besh kunligim bormi, yoʻqmi, boshqa shaharda musofir boʻlib yuramanmi? Axir mening tobutkashlarim bunda. — Mirmuhsin, Umid

— Jamoat, — keksa boy., salmoqli ravishda gapira boshladi, — alhamdulillo, hammamiz musulmonmiz bir mahalladamiz, tobutkashmiz — Oybek, Tanlangan asarlar

ot Masjid huzuridagi tobut saqlanadigan joy.

Maktabxona va tobutxona deb ataladigan, bir-biriga oʻxshash bu ikki xunuk bino va bu yerdan eshitilayotgan shovqin Elmurodning vujudi-da koʻp yoqimsiz taʼsir qoldirar edi. — P. Tursun, Oʻqituvchi