Поиск

fl. 1. Taroq yoki boshqa biror narsa bilan soch, soqol va shu kabilarning chigilini yozmoq, tekislamoq.

Shundan keyin sochlarini bir tomonga silliq taragan tilla tishli yigit qoʻl koʻtardi. — N. Aminov, Suvarak

Otam oʻylanib qoldi. Soqolini barmoqlari bilan taradi. — Oydin, Sadagʻang boʻlay, komandir

Qorongʻida sokin turgan otning boʻynidan quchoqladi, barmoqlari bilan yolini taradi. — Oybek, Tanlangan asarlar

2. q. x. Ariq-joʻyaklarga suvni bir meʼyor-da taqsimlab oqizmoq, taratmoq.

Joʻyak olingan joylarda tajribakor suvchilar chanqagan gʻoʻzalarga suv tarardilar. — Sh. Rashidov, Boʻrondan kuchli

Shermat ota ikki gektarlik kartaga suv tarab boʻldi-da, egatlarni koʻzdan kechirib, oʻqariq boʻyiga chiqdi. — H. Nuʼmon, Fasllar

3. koʻchma poet. Yoymoq, sochmoq.

Qorli togʻlar orqasidan Atlas sochin tarab quyosh, Goh moʻralab, oʻynatar qosh, Xanda sochar dudogʻidan. — Gʻayratiy

fl. Taramoq feʼlining birgalik nisbati.

ot 1. Yorib maydalangan oʻtin.

Quruq tarasha. Tarasha tayyorlamoq.

Koʻmir yoʻqligidan, tarasha choʻgʻi tanchani birpas bozillatib soʻngan edi. — Oybek, Tanlangan asarlar

Keyin u ayvondagi samovarni puflab, oʻtxonasiga tarasha tashlay boshladi. — A. Muxtor, Davr mening taqdirimda

2. koʻchma Quruq, qattiq narsa yoki qotma odam haqida,

Uning qoʻllari bamisoli tarasha.

3. Shunday qotma, quruq odamning ismiga qoʻshib aytiladigan laqab.

— Polvon, bas, Hamzaxonni charchatib qoʻymaylik, — dedi Mahmud tarasha — K. Yashin, Hamza

fl. 1. Silliq, tekis qilib olmoq, qirmoq(soch, soqol, jun va shu kabilarni).

— Siz, — dedi Azmiddin, kalta, siyrak soqolini poʻrim tarashlagan Boʻronbekka qarab — H. Gʻulom, Mashʼal

Oʻn olti yoshidan beri sokol oldiradigan sermoʻy Ochil hozir uch kunda bir yuzini tarashlardi. — P. Qodirov, Uch ildiz

2. Yoʻnib, qirib va boshqalar yoʻl bilan ishlov bermoq, silliqlamoq.

Inson koʻli bilan tarashlanganday sillik, toʻrtburchak xarsanglar bu yerda juda koʻp. — S. Anorboyev, Oqsoy

Yigit oʻzidan uch-toʻrt qadamcha narida gʻisht tarashlab oʻtirgan keksa odamga oʻzga tilda bir nima dedi. — Mirmuhsin, Meʼmor

3. koʻchma Qirib-qirtishlab, butunlay yoʻqotmoq, yoʻq qilmoq.

Nasibani allaqachon koʻnglimdan tarashlab tashlaganim uchun ham indamay qoʻya qolardim. — O. Yoqubov, Tilla uzuk

fl. Tarashlamoq feʼlining majhul nisbati.