ot 1. esk. Yer oʻlchash, uzunlik oʻlchash, chiziq tortish va shu kabilarda ishlatiladigan uzun chilvir, reja ip.
2. kam qoʻll. Umuman, ingichka arqon, chilvir yoki kanop ip, rishta.
Shohning amri bilan ming polvon va kal ikki kecha-kunduz yoʻl tortib, Goʻsha togʻiga yetib, chortigʻlar [chodirlar] tanobini tortib yotaverdi. — Zulfizar bilan Avazxon
Bekam-koʻst turmush kechirib, er-xotin totuv yashayotgan kezlarda toʻsatdan bu inoq oila charxining tanobi uzildi. — I. Rahim, Yosh xotin
Band etib zulfing aro koʻnglimni ozod etganing, Qush uchirgandek erur bogʻlab ayogʻiga tanob. — Nodira
3. esk. tar. Oʻrta Osiyo xonliklarida: tomonlari 60 gazdan iborat boʻlgan maydonga teng yuza (yer) oʻlchov birligi.
Tong otguncha bir tanobcha yerning gʻoʻzasi suv ichdi. — I. Raxim, Chin muhabbat
Bogʻning sathini Salim uch yarim tanob, Fazliddin uch tanob moʻljalladi. — Oybek, Tanlangan asarlar
4. esk. tar. Oʻrta Osiyo, xususan Oʻzbekistonda qoʻllangan uzunlik oʻlchov birligi (17-asrda 39,9 metrga teng boʻlgan).
- Tanob tortmoq (yoki urmoq) Reja ip tortib oʻlchamoq. Matchon toʻra kuzda hosilni yigʻishtirib olgach, qumgacha choʻzilgan boʻz yerlarga tanob urdirib, oʻziga qoʻshib oldi. — J. Sharipov, Xorazm
- Ogʻzining (yoki labining) tanobi qochmoq Murodovani koʻrganda ogʻzining tanobi qochadigan Zunnunov bugun haqiqatan ham xomush koʻrindi. — I. Rahim, Ixlos— Bor, yana bir miridan tashladim, — deb yubordi. Inglizning labining tanobi qochib, iljaydi. — K. Yashin, Hamza
- Tanobini tortmoq 1. Yoʻl, hajm va shu kabilar jihatdan qisqartmoq, kamaytirmoq. Mingan oti jonivor Yoʻlning tanobin tortdi. — NuraliUmridan baraka topsin. Choʻlning tanobini tortyapti. — S. Ahmad, Qadrdon dalalarOvqatning tanobini tortib qoʻyishdi. — I. Rahim, Chin muhabbatxoʻjaliklarning badaniga zulukday yopishib olgan mana shunaqa odamlarning tanobini tortish kerak. — A. Qahhor, Qoʻshchinor chiroqlariAmakisiga yon bosgan oʻgʻlidan ham ranjidi. Tanobini tortib qoʻymoq niyatida uyga kelsa, Javhar yoʻq. — J. Abdullaxonov, Xonadon