ot 1. Nikohni buzish, bekor qilish haqidagi er tomonidan aytiladigan soʻz; bu soʻzning aytilishi xotinni barcha xotinlik majburiyatidan toʻla ozod qiladi.
Taloq soʻzini eshitgan Kumushning koʻzi yarq etib ochilib, yana yumildi. — A. Qodiriy, Oʻtgan kunlar
2. Qizxotin Kabi soʻzlar bilan qoʻllanib (odatda qoʻshma soʻz sifatida), shu soʻzga nisbatli soʻkishni, haqoratni bildiradi.
Men axir singli taloqni joʻrttaga qoptirdimmi? — A. Qodiriy, Obid ketmon
Tirnoqcha joyimni sen xotin taloqqa bermaganim boʻlsin. — Oybek, Tanlangan asarlar
he, gap bilguncha ish bilgin, bachchataloq! — A. Qodiriy, Mehrobdan chayon
- Taloq qilmoq Taloq soʻzini aytib, nikohni buzmoq. Xotin qilish qoʻlingizdan kelmasa, taloq qiling! — A. Qahhor, Mayiz yemagan xotin
- Uch taloq Uch marta taloq; uzil-kesil ajralish (bu holda shariat qoidasiga koʻra, xotin to boshqa erga nikohlanib, yana ajralmaguncha, oʻz eri bilan yarashuvi mumkin emas). Usta Abdurahmon qizlarni koʻp uradi. Bir kuni Niso buvi: — Ursangiz, oʻsha doʻkoningizga olib borib uring, — deganida, usta: — Ha, joning achiydimi, bundan keyin men urayotganda, kulib turmasang, uch taloqsan — deb yubordi. — A. Qahhor, Boshsiz odam
- Taloq xat(i)