По запросу «taajjubli» — результатов: 5
sft. s. t. Taajjublanarli, ajablanarli, hayron qolarli, gʻalati, qiziq.
Taajjubli hol.
ot 1. Kishini hayratda qoldiradigan, ajablantiradigan, gʻalati.
Taajjub narsa. Taajjub ish.
Bu taajjub hol odamlarda gumon tugʻdirmay qolmadi. — M. Ismoiliy, Fargʻona tong otguncha
Redaksiyaga aql bovar qilmaydigan taajjub bir xat keldi. — Mushtum
2. ot Ajablanish, hayronlik.
Qoʻldosh yuzida taajjub alomati paydo boʻldi. — H. Shams, Dushman
Xotinning taajjubi oshdi. — S. Ayniy, Qullar
-Yusufjonov?! — dedi qorovul ham taajjub, ham xursandlik bilan. — N. Fozilov, Hayot oʻrgatdi
[Safar] Taajjub va hayrat ichida kelib, mehmonxonaga kirdi. — A. Qodiriy, Mehrobdan chayon
3. Kishining ajablanish holatini, hayronligini bildiradi; ajab, qiziq.
Taajjub, uning maktubi yuragimda na sevinch uygʻotdi, na bir achinish! — O. Yoqubov, Tilla uzuq
Lekin taajjub: odamlarning iliq muomalasi, ayniqsa, Sherbekning mehribonligi negadir uning koʻnglini buzdi. — S. Anorboyev, Oqsoy
fl. Hayratda qolmoq, hayron boʻlmoq, ajablanmoq.
Birdan boshqa bir ovoz eshitildi: kimdir tez-tez gapiradi, dam erkakcha, dam xotincha soʻzlaydi, dam chaqaloq boʻlib ingalaydi Yoʻlchi taajjublanib, Yormatga qaradi. — Oybek, Tanlangan asarlar
Olaxoʻja Meli polvonning oldiga keldi. Buzilayotgan yerni quchoqlab, yotib oldi. — Iyi, iyi! — deyishdi taajjublangan odamlar. — P. Tursun, Oʻqituvchi
sft. Kishini taajjubga soladigan, ajablantiradigan; hayron boʻlarli, ajablanarli.
Buning hech taajjublanarli joyi yoʻq.
Xususan, bunday yumushlar xizmatkorlarga buyurilsa, bu hech qanday taajjublanarli hol hisoblanmaydi. — Oybek, Tanlangan asarlar
fl. Taajjublanmoq feʼlining orttirma nisbati.
