Поиск

ot 1. Kuchli shovqin, gʻovur-gʻuvur, shov-shuv.

Bobur umrining soʻnggi yillarida saroydagi xushchaqchaq suron bilan toʻla bazm-u tomoshalardan sovigan edi. — X. Sultonov, Bir oqshom ertagi

Suron tinib, hamma yana joyiga oʻtirib boʻlgach, Oshno hech gap aytmaganday, voha rahbariga yuzlandi-da, joʻngina soʻradi M. M. — Doʻst, Lolazor

2. harb. Qoʻshinlarning jang maydonida bir-biriga qarama-qarshi turgan yoki hujum vaqtidagi askarlar hayqirigʻi.

3. koʻchma Katta qiyinchilik, azob, mashaqqat.

Suronlar yoʻlimda turibdi kutib, Oʻzing qoʻlla endi meni, onajon. — A. Oripov, Yillar armoni

Balki, oʻz nabiralari quchogʻida osuda hayot kechirayotgandir? Har urush suronlari yodga tushganda, yurakda bir ogʻriq bilan sizlarni eslar? — Sharq yulduzi

sft. 1. Shovqin-suron, gʻovur-gʻuvur bilan toʻlgan; shovqinli.

Suronli janglar.

Nikoh toʻyi favqulodda suronli va tantanali boʻldi. — Oybek, Tanlangan asarlar

2. koʻchma Dabdabali, boʻronli.

Suronli yillar.

ot

Bola-chaqali odam xotin ustiga xotin olsa, uyda har kuni janjal-suron boʻlishi shubhasiz. — Oybek, Tanlangan asarlar

ot Qattiq qirgʻin, qirgʻinbarot, urush-toʻpolon.

Bek qirgʻin-suronni kutib yotganda, otishmalar nechundir eshitilmadi. — H. Gʻulom, Mashʼal

ot 1. Kuchli darajadagi shovqin. Shovqin-suron koʻtarmoq.

Vagonlarning quloqlarni qomatga keltiruvchi ovozlari borgan sari uzoqlashib, nihoyat, shovqin-suron tindi. — N. Safarov, Saodatning qissasi

Tanklar yurganda, oʻq otganda, shovqin-suroni radiokarnay orqali uzoq-uzoqlarga tarqashdi. — I. Rahim, Chin muhabbat

2. Shunday tovushlar bilan boʻlayotgan janjal-toʻpolon.

Mavlon aka arava minib uyiga qaytib kelganda, shovqin-suronning ustidan chiqib qoldi. — H. Gʻulom, Mashʼal

sft. Kuchli darajada shovqinli; shovqin bilan yuz beradigan.

Bu vaqt ichkarida tartib oʻrnatilib, boyagiday shovqin-suronli vaysash boshlangan edi. — P. Tursun, Oʻqituvchi