fl. 1. Qoqilib-suqilib, turtinib yurmoq.
Ot surinmay, yoʻl tanimas. — Maqol.
Nurbek soʻqmoq ustida yotgan toʻnkaga surinib yiqildi. Kafti-yu yuzi, tizzalari sidirildi. — Yoshlik
Loiloha qudratingga, ilohim, Yiqilsam, surinsam, pushti panohim. — Yusuf va Ahmad
2. Qiyin ahvolga tushmoq, qiyinchilik bilan kun koʻrmoq.
Boʻlar-boʻlmas urinma, Oxirida surinma. — Maqol
Birov holing ne deb soʻrarmikan, deb umid qilaman. Yakkalanganingda, suringaningda bu juda bilinadi. — Yoshlik
Mudhish sharpalardek suringan xalqning Ohu figʻonlari tutun yo gʻubor. — F. Gʻulom, Tanlagan asarlar