Поиск

sft. 1. Sifat jihatidan talabga toʻla javob beradigan, sifati yaxshi.

Sifatli mol. Sifatli ish.

2. Aniqlovchi orqali ifodalangan sifatga ega boʻlgan.

Aʼlo sifatli mol. Yomon sifatli mahsulot.

Mayin jun deb yuqori sifatli qoʻy goʻshti, dirkillagan dumba yogʻidan ayrilamiz deng,— Sherbek yolgʻiz oʻzi ketayotib oʻyga choʻmdi. — S. Anorboyev, Oqsoy

Devorda va yerda qimmatbaho gilamlar, aʼlo sifatli chet el garnituri. — F. Musajonov, Himmat

ot 1. fls. Narsa, voqea, hodisa va shu kabilarni ularning oʻziga xos belgi va ichki xususiyatlariga koʻra ifodalovchi falsafiy tushuncha.

Miqdorning sifatga aylanishi.

2. Narsaning, kimsaning ijobiy yoki salbiy xususiyati, fazilati, xislati.

Inson sifatlari ichida kamtarlik eng yaxshi fazilatdir. — Gazetadan

Navoiy Husayn Boyqaroda shoirlik, ilmparvarlik sifatlarini koʻrdi. — Oybek, Navoiy

[Domla oʻz-oʻziga:] Hurmatli kitoblarda aytadilar: Sabrlilik — xudoning oyati, sabrsizlik — shaytonning sifati. Shularga amal qilib, bir oz sabr qolmoq kerak. — Hamza, Tanlangan asarlar

3. Molning, mahsulotning yoki ishning yaroqlilik darajasi, qoʻyilgan talablarga qanchalik javob bera olishini belgilovchi xususiyati.

Mahsulotning sifatini yaxshilamoq. Ishning sifatini oshirmoq.

Nonning sifati uning namligi va gʻovakligi kabi xossalar bilan belgilanadi. — Gʻ. Mahkamov, Dasturxonimiz fayzi

Fabrikamizda ilgʻorlar juda koʻp, ular ham mahsulot koʻlami uchun, ham sifati uchun kurashadilar. — Gazetadan

4. Qoʻshma soʻz tarkibida “oʻxshash“, -simon kabi maʼnolarni bildiradi, masalan,

devsifat, odamsifat, ulugʻsifat.

5. tlsh. Predmetning belgisini bildiruvchi soʻzlar turkumi.

Nisbiy sifat. Tub sifat. Sifat darajalari.

Maqsadi atom, ion, molekula, radikal va boshqalarni identifikatsiyalash yoʻli bilan namunada u yoki bu kimyoviy element, struktura va boshqalarning mavjudligini aniqlash boʻlgan moddalar analizi.

Analiz qilinayotgan modda komponentlarini identifikatsiyalash (topish) va (yoki) ularning modda va materiallardagi tarkibini taxminiy miqdoriy baholash.

average quality