Поиск

v (shunning; shunned) T qochmoq, oʻzini chetga olmoq, oʻzini olib qochmoq

v T 1. rels, temir yo'llarga nisbatan boshqa yoʻlga oʻtkazmoq

2. boshqa joyga koʻchirmoq, oʻtqizmoq

olm. s. t. Shunday.

Shunaqa gaplar. Shunaqa vaqtda.

Kiprik ham shunaqa uzun boʻladimi?S. — Ahmad, Laʼli Badaxshon

Shunaqa, Toʻlagan aka, dushman otgan toshdan jigar otgan uvada qattiq tegadi. — A. Qahhor, Qoʻshchinor chiroqlari

olm. 1. Shu qadar, shunchalik, shu darajada.

Shariat, xotinni qattiq tutish kerak, deydi-yu, ammo xotinni qancha qattiq tutsangiz, shuncha gʻaflatda qolishingizni poylaydi. — A. Qahhor, Mayiz yemagan xotin

Vatan agar boʻlsa bir chaman, Siz qoʻynida xandon gʻunchalar; Ay, siz, mening kichik doʻstlarim, Vataningiz sevar shunchalar. Z. Diyor.

2. belg. olm. Noaniq miqdorga ishora qiladi; shu miqdorda.

Bir zumda shuncha odam yigʻildi. Darrov shuncha yil oʻtib ketibdi. Shuncha oʻylasam ham, esimga kelmadi. Shuncha vaqtdan buyon qayerda eding?

— [Gʻofir:] Shuncha qarzim bor ekanmi? Men buni qanday uzaman, boy ota? — Hamza, Boy ila xizmatchi

Ajab, shuncha nevarasi bormi kam-pirning? — Guldasta

Suyukli boʻlsam, shuncha balolarga giriftor etib, koʻcha-koʻyda sargardon qilib qoʻyarmidi — S. Siyoyev, Yorugʻlik

Kor qilmadi shuncha ilm, etdi qancha sargardon. — A. Oripov

olm. 1. koʻrs. olm. Xuddi aytilganga, koʻzda tutilganga yoki koʻz oʻngidagiga oʻxshash, shunga oʻxshash, shu singari.

Shunday doʻst qayerda bor? Shunday vaqt keladi. Haqiqatan shunday boʻlib chiqdi. Men ham yoshligimda shunday edim. Qalamning shundaylaridan uchtasini tanlab oldim.

— Qalay? — dedi Sulaymonov trubkani qoʻyib, — umringizda shunday qaymoq yeganmisiz? — A. Qahhor, Ikki yorti — bir butun

Unda [Gʻulomjonda] shunday nafratning tugʻilishi tabiiy edi. — M. Ismoiliy, Fargʻona tong otguncha

Bu ishlar ichida shundaylari ham borki, shoshilinch qilinmasa, boshqa ishga ham taʼsir qilishi tayin edi. — Sh. Rashidov, Boʻrondan kuchli

2. Maʼnoni kuchaytiradi; shu qadar, shu darajada; shunaqangi.

U shunday tez yurar ediki. U hech qachon shunday ahvolga tushmagan edi.

Zangori osmon ham shunday tiniq, shunday begʻuborki, koʻzni oladi. — Oybek, Tanlangan asarlar

Boʻgʻinlari boʻrtib turgan uzun barmoqlarini tugun qilib, pidjagining choʻntagiga shunday qattiq tiqdiki, choklari chirsillab ketdi. — P. Qodirov, Uch ildiz

3. rvsh. Aytilgan yoki koʻzda tutilgan bir tartibda, shu zaylda, ana shu tarzda.

Xoʻjalikni shunday boshqarish kerak. Siz ham shunday ishlasangiz boʻlmaydimi?

Hakimboyvachchadek hushyor yigit qayda? Boyonlarimizning bari hushyor. Aqli boʻlgani uchun boy boʻlgan-da. Shunday emasmi, — Salimjon. Oybek, Tanlangan asarlar

Shunday qilib, yoz ham oʻtdi. Nihoyat, Ahmadjon askariy xizmatga chaqirildi. — A. Qahhor, Oltin yulduz

4. Quyidagicha, tubandagicha.

Bu xotin toʻgʻrisida mulla Norqoʻzi shunday fikrda: agar farishta ilgari oʻtgan boʻlsa — shuning onasi, endi tugʻilsa — shuning bolasi boʻladi, agar hozir yer yuzida boʻlsa — shu xotinning oʻzi. — A. Qahhor, Mayiz yemagan xotin

5. rvsh. s.t. Odatdagi kabi, odatdagi singari, odatdagidek; oddiy usulda.

Oʻzimiz shunday gaplashib oʻtirgan edik.

Vagondan eng keyin tushgan va miltigʻini tigʻidan ushlab, ketmonday yelkasiga qoʻyib, shoshmasdan kelayotgan Ahmadjon: Stroy [saf] boʻlmasdan, shunday ketaversak boʻlmasmikan? — dedi. — A. Qahhor, Oltin yulduz

6. Tasdiqdovchi javobni bildiradi; ha, toʻgʻri.

— Vrachmisiz? — Shunday.

[Eshon:] Kattalarni-chi, kattalarni ham oʻqitasizmi? — Shunday, — deb javob berdi Elmurod. — P. Tursun, Oʻqituvchi

7. koʻm. vzf. Taʼkid, kuchaytiruv ifodalaydi; xuddi, naq.

Ishxonamiz teatr bino-sining shunday roʻparasida.

olm. s. t. Shunday.

Shundoq qilish kerak.

Qanaqa urush boʻlyapti oʻzi? Qachongacha shundoq davom etadi? — I. Rahim, Chin muhabbat

— Shundoq, ustoz, siz qoʻyavering, — dedi Zavrak. — Mirmuhsin, Meʼmor

Oʻsha xotinbozning shundoq sharmandasini chiqarayki! — Oʻ. Hoshimov, Qalbingga quloq sol

Boloxonaning shundoq ostida, ariq boʻyida buvisi choʻnqayib oʻtirardi. — O. Yoqubov, Er boshiga ish tushsa