fl. 1. Ishq-muhabbat tuygʻusi bilan munosabatda boʻlmoq; koʻngil qoʻymoq, yaxshi koʻrmoq.
Jonginam, men senga koʻrsatay vafo, Gullagan bahorim, seni sevaman. — U. Ismoilov, Saylanma
Shu topdagina u [Alimardon] Muqaddamni sevganini, qattiq sevganini tushundi. — Oʻ. Hoshimov, Qalbingga quloq sol
2. Mehr-muhabbat, sadoqat koʻrsatmoq; gʻamxoʻrlik qilmoq.
Vatanni sevmoq. Onani sevmoq.
Ona oʻz oʻgʻlini sevadi faqat — H. Olimjon
Otam boʻlmasangiz ham, meni otam muhabbati bilan sevgan sodiq va mehribon bir kishimsiz, yaʼni maʼnaviy otam. — A. Qodiriy, Oʻtgan kunlar
3. Yoqtirmoq, yaxshi koʻrmoq.
Musiqani sevmoq. Gulni sevgan tikanni ham sevadi.
Nuri kiyinishni, bezakni sevar edi. — Oybek, Tanlangan asarlar
- Jini sevmaslik Yoqtirmaslik, taʼbiga, didiga toʻgʻri kelmaslik; yomon koʻrmoq. Mingboshi, Sodiq aminni jini sevmagani uchunmi, u bu yerda yoʻq. — M. Ismoiliy, Fargʻona tong otguncha