fl. 1. Toʻgʻrilamoq, tiklamoq.
Besh-oʻn yigit shoxariq, oʻqariqlarni rostlab, tut tagiga chiqishdi. — I. Shamsharov, Koʻrk meʼmorlari
2. koʻchma Ishini, xoʻjaligini oʻnglamoq, tiklab olmoq.
U institutni bitirgach, oʻzini ancha rostlab oldi.
3. Tartibga solmoq, tuzatmoq.
Qilich botir shoshilmasdan oʻzini rostlab olib, uyga kirsa, Oqbilak oyim uxlab yotipti. — Ertaklar
4. Nafasini rostlamoq 1) dam olib, na-fasni joyiga keltirmoq.
Salomat nafasini rostlab, yana yoʻl yurdi. — S. Ahmad, Hukm; 2) oʻzini oʻnglab olmoq
Polk komandiri, dushman nafasini rostlab olmasdan turib, qarshi hujumga oʻtish toʻgʻrisida buyruq berdi. — A. Qahhor, Oltin yulduz
5. s. t. Adabini bermoq, boplamoq.
Shoshmay tur, seni bir rostlayki, dunyoga kelganingga yuz pushaymon qil. — Hamza, Maysaraning ishi
6. tex. Qurilma, mexanizm va shu kabilarni toʻgʻri ishlaydigan holga keltirmoq, sozlamoq.
Tormozlarni rostlamoq.
- Qaddini (yoki belini) rostlamoq 1. Qaddini koʻtarmoq, tiklamoq; gʻoz turmoq. Birov eshitib qolishidan choʻchiganday, sekingina uf tortdi-yu, qaddini rostlab oʻtirdi. Oʻ. — Hoshimov, Qalbingga quloq solSherzod qaddini rostladi-yu, ichkariga kirib kelayotgan mudirni koʻrdi. — Oʻ. Hoshimov, Nur borki, soya borSanobar ahyon-ahyonda qaddini tiklab, belini rostlab olardi-da, yana jadal terishga tushib ketardi. — M. Xayrullayev, KoʻngilToshkentimizning qayta tiklanib, qaddini rostlashida xalqlar doʻstligi nimalarga qodir ekanini ham butun olam koʻrdi. — R. Fayziy, Taʼzim;Binokor qadami yetgan joy tez obod boʻladi, ulkan zavod-fabrikalar qaddini rostlaydi, ishlab turgan korxonalarning qudrati ortadi. — Gazetadan
- Juftakni rostlamoq Kishilar yetib kelganlarida, jinoyatchilar allaqachon juftakni rostlab boʻlishgan, hovlida esa jabrlanuvchi Sharofat opa dagʻ-dagʻ titrab turardi. — Mushtum[Ortiq:] — Hushyor boʻlib yotasan, bugun kechasi juftakni rostlaymiz. — M. Mansurov, Yombi
- Ogʻiz rostlamoq 2. Ogʻziga olib bormoq, toʻgʻrilamoq. Haydar ota shuni [chilimni] soʻray, deb endi ogʻiz rostlagan edi, kampirga koʻzi tushib qoldi. — A. Qahhor, Asror bobo