ot 1. Egarning oldinga siljimasligi uchun ot yoki eshakning dumi ostidan aylantirib, egarga biriktiriladigan, koʻpincha turli bezaklar qadaladigan qayish.
Otning egar qoshi tilladan, yoliga kumush tangalar, quyushqoniga esa sadaflar taqilgan. — J. Sharipov, Xorazm
Ot dumiga sola berdi sayislar Oʻn ikki qubbali tilla quyushqonni. — Oysuluv
2. koʻchma Biror ish, xatti-harakat, muomala va shu kabilardagi meʼyor.
Quyushqondan tash-qari ish.
Lokigin [lekin] qishloqni yuz poyiz shaharga teng qilish, qiyofasini paqqos oʻzgartirishga intilish quyushqonga toʻgʻri keladigan narsa emas. — J. Abdullaxonov, Xonadon
Endi oʻylab-oʻylab, oʻzining quyush-qondan tashqari harakat qilganini seza boshladi. — H. Nazir, Suv gadosi — oqpadar
- Quyushqondan chiqmoq Chegaradan, meʼyordan chiqmoq; haddan oshmoq. Yosh rahbarsiz-da, xomroqsiz quyushqondan chiqqan boshliq odamlarga yoqavermaydi. — S. Siyoyev, Otliq ayolKuldiraman, deb quyushqondan chiqib, meʼyordan oshib ketayotgan aktyorlarning ijrosidan ranjimay ilojingiz yoʻq. — Gazetadan