Поиск

ot Birovning shaxsiga tegish, gʻashini keltirish, masxaralash uchun aytilgan ilmoqli gap; qochirim, qochiriq.

Bu piching Naziriyning jon-jonidan oʻtib ketdi. Lekin bu yerga u Hamza bilan jirtak otishga kelmagan edi. — K. Yashin, Hamza

Mansur Talʼatning pichingini tushunmay, keskin qadashar bilan ularga ergashdi. — Oʻ. Hoshimov, Qalbingga quloq sol

Usta yuragidagi gaplarni koʻpchilik oʻrtasida birma-bir aytib tashlamoqchi edi, ammo raisning pichingi shashtini qaytardi. — S. Mahkamov, Dala tongi

fl. shv. Bichmoq.

[Alioxun:] Sizni egam soʻzga pichib qoʻygan ekan-da. — Oybek, Tanlangan asarlar

Avzoyimizni koʻrgan kishi, indamasdan hammangning ishingga narx pichib qoʻyaqoladi. — I. Rahim, Ixlos

1. Anasıyla babası arasında evlilik bağı olmadan dünyaya gelen çocuk.HAROMZODA

2. Terbiyesiz, arsız çocuk.

ot Piching qilishni yaxshi koʻradigan, pichingga odatlangan kishi.

Oyxon esa kutadi, ayasi — yonida, intizorlikda boʻyi choʻzilib, esi kirib, Sattor akasining qadriga yetadigan boʻlib qoladi bu pichingchi — A. Muxtor, Kumush tola

rvsh. 1. Oz miqdorda, ozgina.

Ikki oq piyozni mayda toʻgʻradi, unga picha murch sepdi, piyozni guruchning bir chekkasiga koʻmib, osh damgirni yopdi. — Oydin, Yigit

Mahalliy aholidan allanarsalarni bir necha tuxum va picha yoqqa almashtirib oladi. — K. Mahmudov, Qiziqarli pazandalik

2. Oz vaqt, bir oz, andakkina, andak.

Mingboshi picha kutdi, Matqovul gapiravermaganidan keyin, yana baqirdi. — M. Ismoiliy, Fargʻona tong otguncha

Juda charchading, picha uxlab, dam olsang boʻlardi. — Sh. Rashidov, Boʻrondan kuchli

Yana picha vaqt kutishdi — jimjitlik. — Yoshlik

3. Oz darajada, sal(gina).

Koʻnglim picha tinchidi.

Kunduzgi ishlari, nihoyat, restorandagi suhbat uning [mayorning] koʻngliga ravshanlik olib kirdi. Ish picha siljigan edi. — Yoshlik

Oʻzim aytuvdim kecha! Qoʻziboy picha oʻzini bosib oldi. — H. Nazir, Yonar daryo

ot Hayvonlarga ozuqa boʻladigan oʻt; oʻrib quritilgan oʻt; xashak.

Bir bogʻ pichan. Pichan oʻrish mashinasi.

Oʻrtadagi uyulgan pichan gʻarami oldidan oʻtib, qorongʻi uyga kirdi. — S. Zunnunova, Olov

Tomga koʻproq pichan bosdi. — E. Samandar, Daryosini yoʻqotgan qirgʻoq

U bostirma devoriga behol suyanib qoldi. Ichkari quruq, pichan isi, ivigan ohak hidi kelardi. — Oʻ. Hoshimov, Qalbingga quloq sol