Поиск

fl. shv. Vovullamoq.

fl. 1. kam qoʻll. ayn. Vovillamoq.

Gʻazablangan kuchuklarning hovullashi, tomoshachilarning qiyqirishi koʻkni qoplaydi. — Oybek, Tanlangan asarlar

2. s. t. Gʻoyat achchiqlanmoq, oʻta darajada gʻazablanmoq.

fl. 1. Kuchli alangalanmoq, alanga taratmoq.

Elmurod pechkada lovullab yonayotgan oʻtga tikildi. — P. Tursun, Oʻqituvchi

Quruq oʻtin bir zumda lovullab yonib ketdi. — M. Ismoiliy, Fargʻona tong otguncha.

2. koʻchma Qattiq qizimoq.

Quyosh tik kelgan. Havo lovullab yonadi. — Oybek, Qutlugʻ qon

Qizning yuragi xuddi tuzoqqa tushgan qushdek pitirlab urar, yuzi lovullab yonardi. — O. Yoqubov, Bahor kunlaridan birida

Yuzlari qizarib-boʻrtib, quloqlarigacha lovullab ketgan Gulxayri togʻasiga oʻgirildi. — S. Nurov, Narvon

3. koʻchma Birdan qizishib ketmoq, tutaqmoq.

Lutfiniso: Voy, juvon oʻlgur! deb, labini tishladi. U shamol teggan olovdek, lovullab ketdi. — Oybek, Tanlangan asarlar

Ehson u vaqtda birdaniga lovullagan muhabbatning oqibatini soʻraganda, gapirgani gap topilib, andak xijolatlikdan chiqdi. — A. Qahhor, Sarob

fl. Pov etgan tovush chiqarmoq.

Sut chelakka povillab tushmoqda.

Primusning tinmay povillashi uning [Shirmonxonning] xayoliga qanot berganday, u atrofdagi hamma narsani unutganday edi. — S. Zunnunova, Olov

fl. ayn. Vovillamoq.

fl. Lovullamoq feʼlining orttirma nisbati.