ot 1. Kichik yoki ingichka nay.
U yerda ham laboratoriyadagiday egri-bugri shisha naychalar, shisha idishlar, oʻlchagʻichlar, elektrokamera, har xil asboblar. — S. Anorboyev, Oqsoy.
2. maxs. Ip oʻraladigan naysimon asbob yoki mashina qismi.
Bu yerning bola-chaqasi tili chiqib, avval bilgan soʻzi — arqoq bilan tarogʻu naycha bilan moki. — A. Muxtor, Opa-singillar
3. bot. Poliz ekinlarida hosil boʻluvchi tuguncha, nishona.
Shu bilan oshqovoqning tutgan naychalari sargʻayib toʻkilaverdi. — S. Ayniy, Esdaliklar
Shaharliklar juda olifta, nozik kelishadi. Podvalda koʻkartirilgan kartoshka urugʻining naychasidan ham nimjon. — M. Hazratqulov, Jurʼat