fl. 1. Ish bilan mashgʻul boʻlmoq; mehnat qilmoq.
Dalada ishlayapti. Bogʻda ishlayapti.
Shunaqa, eshon, dehqon qishin-yozin ishlaydi-yu, kuzga borib iligi quriydi. — M. Ismoiliy, Fargʻona tong otguncha.
Miyangizni toliqtiradigan darajada qattiq ishlamang. — S. Siyoyev, Yorugʻlik
Meʼmor uchun bu yerda ishlayotganlar ichida Zulfiqor-u Zavrak, Gʻavvos Muhammaddan yaqinroq odam yoʻq edi. — Mirmuhsin, Meʼmor
2. Biror lavozimda faoliyat koʻrsatmoq, xizmat qilmoq.
Direktor boʻlib ishlamoq. Universitetda ishlamoq.
Hozir Pitnakdagi bogʻchada tarbiyachi boʻlib ishlayotir. — S. Siyoyev, Yorugʻlik
Hayotda xotin-qizlarning eng birinchi fazilati, mayli, u qanday lavozimda ishlamasin, uy tutishni bilishi, onalik burchini oʻtay olishidadir. — Gazetadan
3. Ishlov bermoq.
Terini ishlamoq.
4. Ijod etmoq; yaratmoq.
Rasm ishlamoq. Film yaxshi ishlanibdi. Haykal ishlamoq.
Bosh sovrin tavsiya etildi — turnir gʻolibi toshkentlik ustalar ishlagan katta chinni vazani oladi. — Gazetadan
5. Harakatda boʻlmoq, yurmoq, yurib turmoq; amal qilmoq.
Tegirmon ishlayapti. Stanok ishlayapti.
U, dala shiyponiga yetib kelganda, telefon ishlayotgani toʻgʻrisida xabar qildi. — Sh. Rashidov, Boʻrondan kuchli
6. Xizmat qilmoq, faoliyat koʻrsatmoq.
Muzeylar har kuni ishlaydi. Dushanba kunlari kassa ishlamaydi.
Institutda maroqli uchrashuvlar klubi ishlab turipti. — Gazetadan
Hozir shaharda koʻplab kulolchilik va naqqoshlik ustaxonalari ishlab turipti. — Gazetadan
7. fiziol. Oʻz vazifasini normal bajarmoq.
Chap qoʻlim ishlamaydi.
-Bektemirdan koʻnglim toʻq, — dedi Ali tajang, —
kallasi ishlaydi. — Oybek, Quyosh qoraymas
8. s.t. Mehnat qilib topmoq.
Pul ishlamoq. Bugun yuz soʻm ishladim.
Oʻtgan yil bir yuz oʻn sakkiz mehnat kuni ishladim. — A. Qahhor, Qoʻshchinor chiroqlari
- Ishlab chiqarish Muayyan ijtimoiy munosabatlar sharoitida kishi mehnati tufayli jamiyatning yashashi va taraqqiy etishi uchun zarur boʻlgan moddiy boyliklar yaratish. Ratsionalizatorlar tomonidan yaratilgan yangiliklar ishlab chiqarishda keng qoʻllanmoqda. — Gazetadan
- Ishlab chiqarmoq Mahsulot tayyorlamoq. Stendlarga talabalar oʻylab topgan, yasagan, ijod qilgan va ishlab chiqargan turli buyumlar tartibi bilan qoʻyilgan. — GazetadanXiva shahar badiiy sovgʻa buyumlar fabrikasi ishlab chiqarayotgan mahsulotlarni xalq amaliy sanʼatining nodir namunalari desa boʻladi. — Gazetadan
- Ishlab chiqmoq Tayyorlamoq, yaratmoq. Paxta terish mashinasining yangi modelini ishlab chiqdik.Keyingi yarim yil davomida qoʻyilgan vazifalarni hayotga tatbiq etish bilan bogʻliq chora-tadbirlar ishlab chiqildi. — Gazetadan
- Oʻz ustida ishlamoq Oʻz saviyasi, malakasini oshirish yoʻlida mehnat qilmoq, ishlamoq. Kallali bola ekan, mana, oʻz ustida ishlab, koʻtarilib ketdi. — Qayta ishlash Qayta, bir necha marta ishlovdan oʻtkazishBir gramm sof radiy olish uchun bir necha tonna uran rudasini qayta ishlashga toʻgʻri keladi. — Fan va turmush.