fl. 1. Bir oz isimoq.
Suv ilidi.
Osmonimizdagi bulutlar tarqalishi bilan, tanamiz iliydi, jonimiz tinchiydi. — H. Gʻulom, Mashʼal
2. Koʻngli (yoki Mehri, yuragi) ilimoq Mehri tovlanmoq, mehr hissi uygʻonmoq.
Kechqurun dasturxon ustida bola yigʻlab berdi. — Ol, emiz — dedi Orifjon. Koʻngli ilib ketdi. — A. Muxtor, Chinor
Oʻgay onam uch farzandli boʻldi. Bolalarni qiynalib tuqqan boʻlsa ham, bizlarga mehri ilimadi. — Gazetadan
Ona., sovuq gapdan oʻzini bir zum yoʻqotib qoʻydi. Keyin, ona ekan, yuragi ilib, bolasini quchoqlagani yugurdi. — M. Ismoiliy, Odamiylik qissasi
- Ichi ilimaslik Koʻngli toʻlmaslik; xotiri jam boʻlmaslik. Sira koʻnglim chopmas bu yurishingga. Sira ichim ilimaydi qilgan ishingga. — Yodgor