Поиск

ot 1. Andisha, sharm-hayo bilan tortinish, shunday his-sezgi, uyalish.

Dilora kulib, charaqlab qaytib kelganda, Gʻulomjon har qanday iboga parvo qilmay, boʻlasi yoniga bordi. — M. Ismoiliy, Fargʻona tong otguncha.

Kravsova bu shaloq yigitning bunchalik ibo bilan qilayotgan harakatidan kulgisi qistadi. — Shuhrat, Shinelli yillar

2. Oʻzini, nafsini tiyish, sabr-u qanoat.

3. Ibo (xotin-qizlar ismi).

sft. Ibosi bor, andisha-hayo hissiga (xislatiga) ega.

Qaysi ayol sabr-qanoatli, hayoli, iboli ekan, u hayotda baxt-u taxtini topa oladi. — Gazetadan

ot 1. Biror tushuncha yoki fikr ifodalovchi, odatda, soʻzlarning turgʻun birikmasi (soʻz birikmasi yoki gapga teng jumla); taʼbir.

Obrazli ibora.

Chernitsov “vaqtincha tantana”, vaqtincha chekinish, qayta hujumga oʻtish degan iboralarni qiynalib aytdi. — I. Rahim, Chin muhabbat

Ular Suqrotning Avval oʻzingni angla, shunda dunyoni anglaysan degan mashhur iborasini oʻzlariga dasturilamal qilib olishgan. — Sirli olam

2. ayn. Soʻz 2.

ot 1. din. Qulluq qilish, sigʻinish, topinish va uning amali; namoz.

Butun koʻhna tarix davomida diniy tarbiya deyilganda, asosan ibodat tushunilgan. — Gazetadan

moʻmin-musulmonlarning roʻza tutishdan maqsadini Ollohning bandalari uz ummatlarini sabr-qanoatga, mehr-oqibatga undaydigan ibodat deb taʼriflaydilar. — Gazetadan

Butxona qoʻngʻirogʻi kechki ibodatga chaqirib, ogʻir va uzun darangladi — A. Qahhor, Tomoshabogʻ

2. Ibodat (xotin-qizlar ismi).

rvsh. 1. Tashkil topgan, tarkib topgan; tuzilgan.

Suv vodorod va kisloroddan iborat. Besh kishidan iborat komissiya

saksovul, qandim, cherkez kabi choʻl oʻsimliklaridan iborat oʻrmonzorlar barpo etildi. — Gazetadan

“Oʻzbekiston milliy ensiklopediyasi” Davlat ilmiy nashriyoti esa Imom al-Buxoriy hadislaridan iborat “Solih amallar”, Er va ayol burchi, Ilm-u maʼrifat nuri singari moʻjaz kitoblarni chop etdi. — Gazetadan

2. Feʼl-bogʻlama vzf.

Asosiy vazifa — mavjud barcha moddiy resurslardan foydalana bilishdan iborat.

sft. Ibosi yoʻq, andishani, tortinishni bilmaydigan; besharm, behayo.

Munisxon goʻyo oldida goʻdak yoki oʻz eri oʻtirganday, hech ibosiz ustki koʻylagini yecha boshladi. — A. Qahhor, Sarob