Поиск

sft. 1. Rosa yetilgan, toʻlishgan, boʻliq; tarang.

U yashil barglar orasidan moʻralab turgan doʻlanaday dirkillama qoʻshaloq koʻsakni koʻrib, koʻzlari chaqnab ketdi. — Sharq yulduzi

2. Dirkillab turadigan; boʻliq gavdali, lorsillagan.

Dirkillama badan

U choqlar Gulshodxonim chilvir soch, oq shohidek silliq, togʻ echkisiday dirkillama edi. — U. Ismoilov, Saylanma

tasv. s. Silkinib, tebranib turuvchi narsa, sapchib qilingan harakat haqida.

Husan kiyikni ushlamoqchi boʻlib qoʻl choʻza boshlagan edi, kiyik dirk etib, yoniga irgʻidi. — Yo. Shukurov, Kutilmagan voqea

Tarlon dirk-dirk oʻynadi. — T. Murod, Ot kishnagan oqshom

fl. 1. Dirk-dirk harakat qilmoq, lorsillab turmoq.

Koʻkraklar oyoqlarning ohangdosh uchishiga mos dirkillaydi. — Oybek, Quyosh qoraymas

Butun gavdasi silkinadi, koʻksi dirkillaydi. — S. Ahmad, Ufq

Ichkari xonadan yugurib chiqqan yarim yalangʻoch raqqosa buralib, aʼzoyi badanini dirkillatib, oʻyinga tusha ketdi. — Mirmuhsin, Qahramonnoma

2. ayn. Dikillamoq 1.

Shu payt koʻcha eshigi zarb bilan ochilib, dirkillab besh-olti qoʻzi kirdi. Yoshlik. Bedovimni dirkillatib Har koʻchganda toʻplar otib, Elima ketkali keldim. — Goʻroʻgʻli

3. koʻchma Narsaning yangiligi, boʻlikligini ifodalaydi.

Likopchalarda butunicha qoʻyilgan dirkillagan bodring, olma shaklidagi qip-qizil pomidor ishtahani qitiqlaydi. — N. Aminov, Tillo tabassumlar

Sap-sariq oltindek tovlanib turgan palov dirkillab turardi. — J. Musajonov, Himmat

fl. Dirkillamoq feʼlining orttirma nisbati.

fl. Dirkillamoq feʼlining birgalik nisbati.