ot 1. Uzoq vaqt kasallanib yotgan; dardmand.
Uning [Nigoraning] qarshisida haftalab, oylab kasalxona karavotida qoʻzgʻalmay yotgan bir dardkash inson turar edi. — S. Anorboyev, Oqsoy
2. Dard-alamga duchor boʻlgan; dard-alam koʻrgan; alamli.
Polvon oʻzini erkinroq his qildi, oldida bika emas, oddiy bir dardkash, mazluma bir ayol oʻtirganday boʻldi. — J. Sharipov, Xorazm
Sevimli gazetamiz dardkashlarga hamdard ekanligini yaxshi bilganimdan ushbu maktubni yozayotirman. — Gazetadan
3. Kimsaning gʻami, qaygʻusiga sherik boʻluvchi, birgalikda qaygʻuruvchi; hamdard.
Dardim koʻp, dardkashim yoʻq mening. — K. Yashin, Hamza
Dilfuzaning koʻngli yarimta edi. Uyda dardini eshitadigan dardkashi yoʻq edi. — Yoshlik
Ayniqsa, er-u xotin inoq, bir-biriga dardkash, mehr-oqibati boʻlsa, bundan ortiq baxt yoʻq. — Gazetadan