Толковый словарь узбекского языка
· ещё в 5 словарях
ot 1. Baʼzi etli mevalar (oʻrik, shaftoli va shu kabilar) ichidagi qattiq poʻchoq va magʻizdan iborat urugʻ.
Oʻrik danagi. Shaftoli danagi.
Tabiat oʻzi usta dehqon. Meʼyori bilan danak tashlagan, meʼyori bilan urugʻ sochgan. — S. Anorboyev, Yoʻlda yoʻldosh boʻlganlar
Qarshida oʻriklar allaqachon danak qotirib qolgan, bu yoqlarda boʻlsa, endi gullayapti. — S. Ahmad, Jimjitlik
2. koʻchma Bola, farzand.
Danagi shirin, danagidan magʻizi shirin. — Qanotli soʻzlar
- Shirin danak Danakning ajratib olingan, sirtiga shakar surtilgan magʻzi yoki qovurilgan danak. Umid Hafizani eskimo va shirin danak bilan siyladi. — Mirmuhsin, Umid
- Boshida (yoki miyasida) danak chaqmoq kam. qoʻll. ayn. boshida yongʻoq chaqmoq Bizga qulluq qilgan kambagʻal boshimizda danak chaqsinmi?. — Poʻlat, Tanlangan asarlar— O, Maston, — dedi Turgʻunoy, —erim miyamda danak chaqsa ham, uyda oʻtirganim bir davlat edi. — A. Qahhor, AsarlarBoshda ikki bukilib, keyin miyamda danak chaqadiganidan shu tuzuk. — I. Rahim, Ixlos
- Danagini chaqmoq kam. qoʻll. ayn. magʻzini chaqmoq Abduqodir ulugʻ xalq boshlagan azim harakat va kurash haqida chuqur ixlos va hayajon bilan gapirib, voqealarning danagini oʻz bilganicha chaqishga tirishar edi. — Oybek, Nur qidirib