Поиск

ot 1. s. t. Bolalarda boʻladigan boʻgʻma kasalligi.

Qolganlaridan ikki-uchtasi bosqi degan bir bedavo kasallikni oʻzlariga yuqtirib olishibdi. — Mushtum

2. shv. Bosqin.

3. mus. Musiqa unqatori, gammasi, pardasining har bir tovushi.

ot Qoʻqqisdan qilinadigan hujum, bosqinchilik; agressiya, tajovuz.

Qishloqda har kecha bosqin, otishuv, yongʻin. — S. Ahmad, Hukm

U Vatanni saqlar bosqinlardan, Shijoati yov uchun dahshat. — Mirtemir

Qoʻshni qishloqlarga bosqinlar uyushtirdi, oʻzga yurtlarni vayron qildi. — S. Karomatov, Oltin qum

ot 1. Zinaning yoki narvonning har bir pogʻonasi.

Madrasa ichiga bormay, oʻsha yerda bir tosh bosqichga otam qadam bosdi. — S. Ayniy, Esdaliklar

2. Koʻchma Oʻzaro bogʻlangan quyi va yuqori idora, muassasa, tashkilot va shu kabilarning har bir pogʻonasi, halqasi.

3. koʻchma Daraja, razryad.

4. koʻchma Tarixiy, madaniy-maʼnaviy, iqtisodiy taraqqiyot, rivojlanishning belgili bir pogʻonasi; davr, palla.

Biron-bir bosqich oʻrtasida turgan xalq orasida avvalgi bosqich kishilari koʻrinib qolsa, bunga tabiiy bir hol deb qarash kerak, degan fikrni aytdim. — Guldasta

Odamlar fan-texnikani inson koʻzi koʻrmagan, qulogʻi eshitmagan bosqichlarga olib chiqdilar. — N. Safarov, Olovli izlar

Haqiqatan ham Navoiy forsiy devoni bilan Jomiydan soʻng fors-tojik adabiyotini yangi bir bosqichga koʻtardi. — OʻTA

Maʼnaviy kamolot bosqichlari ichida xushmuomalalik, shirinsuxanlik asosiy oʻrinni egallaydi. — Saodat

5. Biror yaxlit ish-harakatni amalga oshirishning ayrim-ayrim davrlari haqida.

Bosh planga koʻra, Qarshi dashtini oʻzlash-tirish uch bosqichda amalga oshiriladi. — Oʻzbekiston qoʻriqlari

Respublikamiz mehnatkashlari paxta yigʻim-terimida hal qiluvchi bosqichga kirdilar. — Gazetadan

Rekonstruksiyaning birinchi bosqichi nihoyasiga yetganligi natijasida samolyotlarning uchish xavfsizligi ancha oshdi. — Gazetadan

6. biol. tib. Biologik rivojlanish pogʻonasi, davri.

Abduraimovdan turli bosqichlarda sholiga qanday ishlov berishni oʻrganishdi. — Oʻzbekiston qoʻriqlari

Ular [olimlar] mediklar bilan birga odamdagi turli kasalliklarni erta bosqichlarda topishning diagnostik modeli va programmasini ishlab chiqdilar. — Gazetadan

basqısh

sft. 1. Maʼlum bosqichi, pogʻonasi boʻlgan; pogʻonali.

Koʻp bosqichli zina.

2. koʻchma Oʻzaro bogʻlangan bir necha bosqichdan, pogʻonadan iborat boʻlgan.

Sanoat va qurilish vazirliklarining mavjud strukturasi koʻp bosqichli va murakkablashgan tuzilmadir. — Gazetadan

3. koʻchma Darajama-daraja, bosqichma-bosqich rivojlanadigan, darajali.

Koʻp bosqichli taraqqiyot yoʻli.