Поиск

ot 1. tib. Organizmni himoya qilish jarayonlarida qatnashuvchi, halqumda joylashgan, bodom shaklli limfasimon toʻqimalar majmui.

Maʼlum yoshdagi bolalar-da tomoqdagi bodomcha bezlar yalligʻlanishi, quloq ogʻrishi mumkin. — Gazetadan

2. bot. Raʼnodoshlar (atirgullilar oilasi)ga mansub sershox va sertikan buta.

ot 1. Atirgullilar oilasiga mansub, sermoy magʻzi isteʼmol qilinadigan daraxt.

Olmadan bodom boʻlmas, tagi past odam boʻlmas. — Maqol

Bodom ming yillardan beri xalq tabobatida shifobaxsh boʻlgan oʻsimlik sifatida mashhur. — M. Nabiyev, Bodom

2. Shu daraxtning mevasi (danagi).

Achchiq bodom. Bodom yogʻi. Odam — odam bilan, pista — bodom bilan. — Maqol

Mehmonlarga pista, bodom, quruq mevalar juda moʻl-koʻl tortildi. — Oybek, Navoiy

Jajji musht-chalariga bodommi, yongʻoqmi qisib olgan. — S. Siyoyev, Otliq ayol

Abdishukur bodom-pista chaqib, achchiq choy ichib, yayrab oʻtirdi. — Oybek, Tanlangan asarlar

ot Bodom daraxtlari ekilgan yer; bodom bogʻi.

Bodomzorda otim yayrab, oʻtlagan dam, Oʻsha oʻgʻlon kuylar edi shoʻx sheʼrlar. — Gazetadan

sft. Koʻz qovogʻi bodom shaklida bir oz doʻppaygan; shunday qovoqli odam.

yosh bir juvon bellari xipcha, bodomqovoq oʻn sakkiz yoki oʻn toʻqqiz yoshlardagi goʻzal bir malak. — Mirmuhsin, Meʼmor

Uning bodomqovoqlari ostidagi kichik qora koʻzlari qandaydir noz va ehtiros bilan yonadi. — Oybek, Tanlangan asarlar

Umidim bor, olarman, albatta, bodomqovogʻimni. — Nigor va Zamon

Yor qoʻlida mis tovoq Oʻynasin bodomqovoq. — Oq olma, qizil olma

Oʻzim aylanaman bodomqovoqdan, Minnatdorman yorim bergan saboqdan. — Qoʻshiqlar

sft. Bodom shakliga oʻxshash (koʻz haqida).

Tabiat Mahmudadan xotin-qizlarga xos latofatlarini ayamagan: qiygʻoch qoshlar, bodomsimon qiyiq koʻzlar, xumor koʻzlar — H. Ziyoxonova, Birinchi maktub

погов. миндаль