fl. 1. Rangi quv oʻchib, oqarib ketmoq.
Ostonada turgan ayolning soʻlgʻin yuzi dokadek boʻzardi, koʻzlarida yosh tomchilari miltilladi. — H. Shayxov, Rene jumbogʻi
Teshaboyning lavlagiday qizarib ketgan yuzi birdan boʻzardi. — M. Ismoiliy, Fargʻona tong otguncha
Sidiqjonning rangi boʻzarib ketdi. — A. Qahhor, Qoʻshchinor chiroqlari
2. Gʻira-shira yorishmoq, xira tortib oqarmoq.
Tong boʻzardi. Olamga yorugʻlik yoyila boshladi. — H. Gʻulom, Senga intilaman
Osmon boʻzarib borardi. Tepada faqat bir yulduz, u ham soʻnay-soʻnay deb miltillab turibdi. — M. Mansurov, Yombi
Oppoq qor bosgan dalalar ustida boʻzarib tong otdi. — H. Gʻulom, Mashʼal
- Boʻzarib turmoq Serrayib, qaqqayib turmoq; qimirlamay turmoq. Picha boʻzarib turgandan keyin Qorajon sekin jildi. — YoshlikIbodulla Botiralining yonida inda-may, boʻzarib turgan Boʻronbekka xoʻmrayib qaradi. — H. Gʻulom, MashʼalBoʻzarib turmoqdan boshqani bilmaydi. Endi bu bir Majnun-da, deyishdi. — Bahrom va Gulandom